ركووون
18-11-2022 - 06:34 am
السلام عليكم ورحمة الله وبركاته ,,
أنا رحلتي إن شاء الله بعد 10 أيام إلى مدينة أو قريه والله ما أدري ,, اسمها نيلسون ,,
قريبي مضبط لي الحجز والمعهد وكل شي أنا ما علي إلا أركب الطيارة وأحلق ,,
قريت لين قلت آمين ,,
تعرفون يمكن القراءة ما تنفهم مثل النصيحه لأن النصيحه تجي مختصرة ,,
يا ليت تثروني بنصايحكم ,,
طبعا بقعد 6 أشهر ,,
لكم مني جزيل الشكر ,,
يشرفني اكون اول شخص يرد على موضوعك
اول حاجة اسمحلي اتمنى لك اجازة او بالاصح رحلة سعيدة ومتتعه ومفيدة ان شاء الله
اهم شى يا الغالي قبل السفر تحدد انتا رايح ليش عشان تقدر تحقق هدفك باذن الله
تاني شى اوصيك عليها وهو طبعا القران الكريم وسجادة صلاة وكم كتاب عن الدين الاسلامي بالانقلش عشان تعطيه الاجانب الي هناك راح يفرحو بيه جدا جدا جدا....
وتاني شى لاتنسى تشيل معاك ملابس شتوية لانو هناك برد برد وفي نفس الوقت لا تكتر عفش عشان لاتتورط بيه مع زيادة الوزن.....
وكمان شيل معاك لاب توب تراه مهم جدا ما راح تعرف قيمته غير لمن تسافر عشان تقدر تكلم اهلك في اي وقت ومكان وكمان لاتنسى تشيل معاك فيش كهرباء ينفع لنيوزلندا تلاقها في اي محل اداون كهربائية ولو ما لقيت هنا اشتريه من هناك بس راح يكون غالي شوي تقريبا 20 ريال((هذا الكلام قبل سنتين دحين مدر كم وصل سعره بعد ما غلي كل شى))
شيل معاك مترجم الي راح ينفعك كتير هناك
وفي حركة الصراحه انا سويتها مرة عجبتني اول ما سافرت من هنا شلت معاي هدية للعائلة الي راح عندهم شلتلها معاي برواز للصورة يعني شى بيسط جدا اول ما اعطيته الحرمة الي انا ساكن عندها كانت شوي تموت من الفرح فا شيل معاك حاجةبسيطة كدة للعائلة وترى شلت معاي انا هديتين عشان قلت لو ابغا اغير العائلة وفلعن غيرت العائلة واعطيتهم الهدية التانية ونفس الشى اتجننو عليها....وبس هاذي الاشياء الي افتكرها لغاية دحين واسف جدا على الاطالة واي سؤال لا يردك الا لسانك يا الغالي