سبحان الله
من يومين كنت افكر في موسكو..
ودي ازورها بس اكيد مافيه امل ههه
و الله ماعندي معلومات ... بس استنى معك احد يفيدنا

هلا اختي مزون ان شاء الله يجي احد يفيدنا عنها انا اتمنى اني اجيها احس انها بلد يستاهل الزيارة
ملينا من بعض الدول وتكرارها ... التغيير حلو وانا احس ان موسكو شئ جديد علينا ومهمله من ناحية السياحة

صادق اخوي
و هدا نفس الكلام اللي كنت اقوله بيني و بين نفسي..
الظاهر بينا توارد خواطر ههه

السلام عليكم
خذ هذا الموقع مفيد جدا
شركات السياحة العاملة فى روسيا http://www.ru4arab.ru/cp/eng.php?id=20050208160632
يقدم لك الفنادق والمناطق السياحية ويرتب لك بكج لمدة اسبوع وطريقة استأجار سيارة والخطوط الطياران ومكتوب بالعربي
وكل شي فيه واضح
تحياتي

مزون ههه
ولد فاضي مشكور بعد قلبي ما قصرت

لا شكر على واجب
المهم نبي تقرير عن موسكو

موقع رائع وتسلم عليه ولد فاضي

السكن هيد او ما يسموهم الصلع النازيين متواجدين بس مو وسط موسكو على الاطراف بس لو شفتهم صدفه ويا محلى الصدف اسمع نصيحتي اتذكر سعيد عويطه العداء العالمي وسوي نفس اللي يسويه لا توقف الا في فندقك ههه

اهلين شباب انتظرو من صور عن موسكو ومدينة بيترسبورغ وسمارسكي ان شاءلله قريباً
وفعلاً البلد يستحق الزياره .. والغلا فقط في الفنادث وغير كذا الاسعار كأنك بالسعوديه
وبالنسبه للسكين خيد الي يسمونهم النازيين شف انا صار لي فتره تقريباً سنه في روسيا ماشفتهم ابداً وهم قليل جداً والشرطه كابحتهم نسمع فيهم ولانشوفهم وللمعلوميه هم اعمارهم مابين 15 إلى 20 سنه ولا يجون الامجموعات يعني لو تشوفون اثنين ثلاثه لاتهتمون لانهم مايسوون شي الا ااذا كانو كميه كبيره وفي الغالي تحصلون عددهم 20 شخص بس انا فعلاً ماشفتهم لكن هذا الي اسمعه عنهم ..
وبالنسبه للموقع حق الحجز الي اسمه روسيا للعرب بصراحه انا ماتعاملت معه ونصيحتي لا تتعاملون معاهم غالبيتهم نصابين مع احترامي الشديد للبقيه المحترمين ..
واي شخص يبي يزور روسيا انا بخدمه قدر استطاعتي وبدون مقابل ( على حسب جدول محاضراتي وارتباطي بالدراسه) واوقات الفراغ عندي انا مستعد امشيكم في انحاء موسكو وارتب امور الفندق والاشياء الاساسيه
وخارج موسكو مااقدر بس اقدر اكلم لكم شباب سعوديين خدومين جداً في بيترسبورغ
وبالنسبه للفيزا مافيها شروط الا الجواز يكون فيه اقل شي 6 اشهر وكذالك لابد الحجز في احد الفنادق في المدينه الي انت تبي تطلع الفيزا عليها مثلاُ موسكو وبيترسبورغ هيا لمدينتين الي بتزورهم لابد تحجز مدة اقامتك في موسكو في فندق عشان يطلع لك دعوه تروح فيها للسفاره وكذالك لازم تحجز في بيتر عدد الليالي الي بتجلسها في بيتر (بترسبورغ) عشان يحددون لك مدة فيزتك
ومدة الفيزا تحدد بعدد ايام حجزك في الفنادق
فمثلاً ( موسكو 4 ايام وبيترسبورغ 6 ايام ) راح تكون فيزتك مدتها عشرة ايام بعد كذا لو جلست يجي عليك غرامه ومسائله قانونيه وانا نصيحتي انكم تحجزون يومين اضافيين احتياطاً للظروف لا سمح الله
واذا قررتوا تجون موسكو راسلوني وانا اعمل لكم الحجز وارسل الدعوه على الايميل وانتم تروحون للسفاره الروسيه في حي الرحمانيه وتطلعون الفيزا ب 400 ريال تقريباً
ولا ابي منكم الا الدعاء
اخوكم فيصل العتيبي
( طالب في اكاديمية موسكو الطبيه)