السلام عليكم اخوي
بالنسبه ل( هل تصلح للشباب)؟؟ معليش بس مااحسها تصلح مره .افضل لو كنت زايرها انت وزوجتك
واذا ودك تزورها حتى لو ماكانت تناسب الشباب فمالومك لان طبيعه رملها الابيض وبحرها الصافي ومنتجعاتها الفاخره تغري الواحد يزورها لو هو لحاله بس انصحك ماتطول اكثر من 3 ايام ..يمديك فيها تسبح وتمارس رياضات بحريه
اما المنتجعات فعلى حسب تجربتي (انا سكنت في الفورسيزن كوداهورا كان يجنن بس غالي) والمره الثانيه سكنت(فل مون ريزورت)كان حلو وسعره اقل من الفورسيزن
بالنسبه لطيران طيران الامارات والقطريه يودون للمالديف

مشكورة اختي مسافرة متحمسة
والصراحة انا توني صغير على الزواج عمري 22 سنة
والصراحة انا ابي اروحلها لو بلحالي ولو اقعد يوم
ويعطيك الف عافية على مرورك

تروحون هناك وش تسون
على قولة احد الأعضاء المالديف ماتصلح الا للمتزوجين واما الشباب يقشرون بصل خ
تبي نصيحتي يمدحون الشرقيه والله انه ونيسه وبه كل شي او جده او دبي لأنكم تبون الالعاب والنشاطات البحريه وهالحوسه والمالديف تصلح للي يبي يروح ويروق وينسى الشغل وهموم الحياة يعني بالعربي ريلاكسيشن وانت ماشاء الله توك صغير وماعندك لاهموم ولا حرمه تغث ولا ديون متراكمه ولا مشاكل مع الشغل ولا بزارين يبطون راسك بأزعاجهم ×_×
الا اذا تبون تروحون هناك وودكم تشوفون وش هالمالديف نصيحه لا تقعدون اكثر من يومين لأنكم بتطفشون بس ماتسوى عليكم مرمطة المطارات ومره مكلفه السفره لأن بس التذاكر لأثنين ب 7846 ريال والسكن اقل شي ب 2000 ريال وهذا من غير الخدمه والضرايب والأكل الا اذا كنتم مقتدرين الله يقويكم وقو هيد بس لا تنسون تاخذون معكم بلاي ستيشن عشان اذا طفشتو تحطون حرتكم فيه ويمدحون كراش وتوم وجيري ولا كورة قدم واللي يفوز يعزم خويه على العشاء خ
الله يكتب لكم اللي فيه خير
وهذي وجهة نظري
سلملم

أنا أشوف كثيره على المالديف و ممكن تملون
من رأيي تخليها 5 أيام أو 6 بالكثير

m ~ G ~ M
تصلح وبقوه
المالديف جدا رائعة وجميلة بغض النظر مين يروح لها
شباب ...عجز...كبلز اي نوع
انا اسافر دائما لوحدي للجزر وخاصة ذا كانت استكشافية
وبالعكس ما بعدها متعة (توني راجع من زنجبار)
و السفر ما يعترف بشيء بصلح للعزاب او المتزوجين
ولأسف ياما شفت كبلز مسافرين مع بعضهم ود كل واحد يرمي الثاني في البحر
لأنهم للأسف تسلل الملل لحياتهم وبدوا يشعرون بالطفش والتملل من ثالث يوم
أتمنى ان تكون وجهة نظري واضحة وفهمت القصد
واهم شيء ما يكون الخوي اللي معك من النوع الكسول اللي يجيب الملل
لأنه اذا كان افضل واصرفلك تسافر لحالك
في المالديف راح تحصل جت سكي وبراشوت وغطس ,,,,,,الخ
ورحلات للجزر القريبة
ورحلات صيد سمك رائعة جدا
يعني ان شاء الله مافي ملل
ترتب الحجز من احسن طريقة وهي الأمارات للعطلات
وعندك خيار آخر هو طيران الجزيرة والسيلرلانكية او القطرية
والأخيرة للأسف مازلت متأخرة جدا عن الأماراتية
والديل اني رحت لهم في مكتبهم في جدة وطلبت منهم باكج لتنزانيا وزنجبار
وللأسف قال الموظف لازم تكلم مكتب الدوحة (صراحة شيء مكسف)
قمت رحت للأثيوبية واخذت الباكج عليها (وكان ولا أروع)
من الأمارتية عالم بروفوشلن الباكج للشخصين لمدة اسبوع ممكن يبدأ من 14 الف ريال الى 20 الف
والأفضل تنتظر الى بعد شهر 5 (نصيحة) الأسعار بتكون اكيد افضل
مايمنع اللحين تسير على مكتبهم في الرياض وتاخذ فكره مبدأيه
اسأل عن
Baros
و
Banyan
و
Full Moon
والله يسهل امركم