هلا فيكم طبعا ما ينفع أبدا هذا المخطط . الاسباب المسافه طويله وتقسيم الايام قليل والتنقل كثير ..
حجزتي خلاص او ممكن انغير التذاكر؟؟
بالانتظار

ايه حجزت بس كم المسافه من فرانكفورت الى سلسبرغ
يعني بالقطار كم الوقت حتى يكون فيه وقت اقصر
اشكرك على ردك السريع

اذا كنتم حجزتوا خلاص ..
عدد ايامكم 12 يوم ..
رأيي يوم بفرانكفورت .. ثم الى سالزبورخ برحله طويله عبر القطار الالماني او الاوربي
هنا القطارين
الموقع الرئيسي http://www.raileurope.com/us/index.htm
موقع لجدول قطارات المانيا
http://reiseauskunft.bahn.de/bin/query.exe/en?L=dzt&Z=Hannover
سالزبورخ 3 ايام ثم الى زيلامسي 4 ايام وميونخ 3 ايام ثم فرانكفورت يوم والعوده منها
تحياتي

اشكرك اخوي على الرد
والله الحجز صار صعب على فيينا وميونخ
التخطيط جميل بس كان نفسي ازور فيينا بس بعيده
على العموم راح احاول اغير حجزي او احجز على خطوط ثانيه لو تم هذا كيف ممكن يكون التخطيط الانسب
اشكرك على تجاوبك وسعة صدرك

اختي انصحكم وبشده تغير الحجز .,,, وشوفي القطريه والامارتيه ..
ويكون الوصول الى فينا والعوده من ميونخ ..
ويكون المخطط فينا ثم سالزبورخ ثم زيلامسي ثم ميونخ .. جدول مترابط وممتاز وجيد على عدد ايامكم
تحياتي

الف شكر لك اخوي وهذا تخطيط اعتقد شفته لرحله لك
اشكرك وترى على فكره انا اخوك في الله
تحياتي وتقديري لك

تشرفت فيك .. واسف على الخطأ
تقبل تحياتي