سهم الغدر
14-04-2022 - 03:59 am
السلام عليكم
انا رايح انشالله يوم الجمعه ايطاليا وحبيت اعرف منكم بعض النقاط لانها اول سفرة لي في ايطاليا
1- انا بروح انشالله روما وفينيسيا وميلان وحبيت اعرف طرق التنقل المريحة بينهم
2- من ناحية التسوق هل هي نفس باريس ولندن ولا اغلى ولا ارخص ؟؟؟
3- هل استخدم الميترو ولا الباصات ولا التاكسي في التنقلات اللي داخل ميلان وروما
4- نصايح مفيدة منكم تفيدني لاني اول مرة اروح لايطاليا
واكون شاكر لكم
بالنسبة للتنقل بين المدن انصحك فافضل وسيلة القطار
بالنسبة للتنقل داخل المدن اذا كان السكن في الستي سنتر فاعتقد مايحتاج تنقل كل شي بيكون قريب على الرجل
اما ي حالة انك تبي تروح مكان معين عندك المترو في ميلان وروما او الباصات او التكسي بس التكسي غالي جدا
فينسيا مايحتاج تنقل لان كلها كبر حارتنا صغيرة والتنقل عبر القوراب المائية اول ماتوصل محطة القطارات في فينيسيا اركب التكسي المائي وخله يوصلك الى فندقك وبعدها كل شي على الرجل
بالنسبة للتسوق والله مانب راعي تسوق لكن حسب علمي ان اسعار اوربا متقاربه بشكل كبير وان كان في فرق فهو مايسو ان يذكر
نصائح
1- انتبه اثناء تجولك في محطة القطارات ترى في هالافارقه يسرقون الشنط ومحترفين (بس لاتخاف خلك حريص )
2-ابعد عن العرب
3-بالنسبة للقطارات مافي فرق بين الدرجة الاولى والثانية من ناحية الخدمات او الكراسي فاحرص على الدرجة الثانية ارخص واحسن لك لكن ميزة الدرجة الاولى الهدوء
تحياتي......................