السلام عليكم ورحمة الله وبركاته
بغيت مساعده من خبرتكم لو سمحتو
نحن مجموعه مكونه من 10 اشخاص منهم 4 اطفال اكبرهم 7 سنين واصغرهم سنتين
حاليا مفكره في التالي
يومين ميونخ نستقر فيها ونحط اغراضنا
بعدين نسير بالقطار لفرسنا بأمتعه خفيفه وباقي الاغراض بتم في الفندق في ميونخ
بنتم 3 ليالي في دزني وبنرجع رابع يوم لمقرنا في ميونخ وبنتم فيها ما يقارب ال 10 ايام إلى اسبوعين
الكل رشح الفندق الوردي ما اعرف شو اسمه لين احين في دزني
اما في ميونخ مجربين من 4 سنين فندق الماريوت وحبيته للأسباب التاليه
1- مكيف (بعض الاحيان الجو يتم حار)
2- بحيره وحديقه في الاسفل للصغاريه
3- مخبز وسوبرماركت تحتنا ومنطقه هاديه جدا
هالمره الجماعه حابين يسكنون في شقق فندقيه تكون في منطقه هاديه وتنفع للكبار والصغار لانه في الايام العاديه نقدر نخليهم ينزلون يلعبون في الحديقه مثلا
وطبعا تكون مكيفه وقريبه من كل شي
احين ممكن تنصحوني من خبرتكم وترشحون لي بعض الأماكن للسكن؟ ولا انتم على فندقنا (الماريوت)؟
في انتظاركم خوانيه وخواتيه