ابوماايد
01-06-2022 - 06:04 pm
السلام عليكم ورحمة الله وبركاته
كيف حالكم يا اخواني واخواتي في المنتدى
بغيت منكم يا اخوان مساعدة بخصوص تخطيط لرحلتي لميونخ ان شاءالله ، سفرتي تاريخ 4 / 7 والعودة 18 /7 مدة السفرة اسبوعين ، وبنكون انا و زوجتي شخصين فقط
الذهاب والإياب ميونخ
اولا ً أفكر استأجر سيارة واجلس يومين أو ثلاث أيام في ميونخ وبعدها اتحرك لزلامسي واجلس فيها يومين وبعدها اتحرك لسالسبورغ وايضا اجلس فيها يومين ، وبعدها اتحرك لباد هاف قاستن واجلس ايضا يومين ، بغيت اعرف الاماكن اللي اسيرلها بالترتيب شو أول مكان زلامسي ولا سالسبورغ ولا باد هاف قاستن ، وكل مكان كم يوم يستاهل ايلس فيه ، وبعدها لو في مكان رابع اروحله ياليت اتدلوني عليه ، وايضا بخصوص الفنادق اللي في زلامسي وسالسبورغ اتمنى تنعتوني على فنادق 5 نجوم أو 4 نجوم ولكن راقية ونظيفة وموقعها مناسب
انتظر ردكم يا اخوان
وأشكر هالمنتدى اللي اعتبره المرجع الأساسي لجميع سفراتي ، من خلال متابعتي له من سنين وأشكر كل الاخوان والمشرفين القائمين عليه
والسموحة
أخوكم ابومايد
يفضل يكون مخططك
ميونخ وصول فقط- 3ليالي سالزبورغ- 6 ليالي زيلامسي- ليلتين قارمش- 3ليالي ميونخ
تستلم السياره من المطار ومباشره الى سالزبورغ اذا وصولك الصبح او الظهر اما اذا بعد هالوقت يصير تنام ليله بميونخ ومن بكره الى سالزبورغ
بادهوفا قاستين وباد قاستين تزورها من زيلامسي دام معاك سياره
اذا ناسبك المخطط نعطيك خيارات للسكن