sall_ss
18-10-2022 - 07:21 am
السلام عليكم ورحمة الله وبركاته
هلا والله باعزواغلى منتدى عندي
انا ما اطول عليكم
عندي بعض الاستفسارات
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اناناوي ان شاء الله اروح لنيوزلندى انا وزوجتي في العطلة
وابقعد هناك شهرين كاملة
1- كمسعر التذاكر ؟
2-افضل خطوط ؟.
3-ابي ادرس في معهد لغة انجليزية ايش تنصحوني به ؟
4- كم سعر المعهد؟
شهرين
5-كيف المعيشة هناك ؟
6- ابي اسكن شقه ارخص لي وين احصل الشقق هناك وكم سعر الشهر؟
7-كم تتوقعون راح تكلفني الرحلة ؟
8- الاماكن السياحية التي تنصحوني لها
9- المدن التي تفضلون اني اذهب لها
انا ما عندي مشكلة احب افر الديرة كلها
10- هل تنصحوني ادخل معهدين مختلفين في كل مدينة معهد مدة شهر
للتذكير شهرين
يا ليت تساعدوني عشان اضبط الميزانية
تقبلو تحياتي اخوكم
sall_ss
هلا ....
سعر التذكرة من الرياض الى كرايستشيريش تكون بين ال5500 ريال الى 6000 ريال ذهاب وعوده لشخص الواحد على الخطوط السنغافورية...
وبالنسبة لأفضل الخطوط فأنا بصراحة جربت السنغافورية وكانت حلوه ,,, وعموماً ترا الخطوط الي تطلعك من السعودية لنيوزيلندا قليلة اعتقد اربع او خمس خطوط بس....
بالنسبة لافضل المعاهد فهذي تعتمد عليك انت ,,, لان الاذواق تختلف وانا اخوك...
وعموماً انت سجل في المعهد اسبوعين وجربه اذا مااعجبك غيره وترا المعاهد غالباً تكون في وسط المدينة ومابينهم مسافة طويلة...
الاسعار للبارت تايم غالباً تكون بين 220 الى 270 دولار ,,, وللفل تايم بين ال270 الى 400 دولار..
وترا مو المعهد الغالي لازم يكون زين ,,, فيه معاهد رخيصة وحلوة....
المعيشة غاليه طبعاً بالنسبة لنا ,,, لكن ارخص من كندا و امريكا وبريطانيا وارخص بشوي عن استراليا...
وبالنسبة لشقق فمااعرف بصراحة لكن ترا المعهد ممكن يجيبلك سكن خاص بهم ,,, او انت ممكن تسكن في موتيل وتلقاها بعضها الاسبوع ب70 دولار...
واتوقع الرحلة بتكلفك اذا كنتم اثنين حوالي 30 الف الى 40 الف ريال....
طبعاً قلت هالسعر بناء على ان الطرف الثاني الي بيروح معك هو زوجتك فأكيد راح تطلعون مع بعض وتتمشون وبتتسوقون وهذا غير السكن الي شوي بيكون غالي...
وبالنسبة للأماكن السياحية فعندك كوينزتاون و كرايستشيريش و هكاتاكا و اكراوا ,,, وكل هذي ترا مدن بس فيها اماكن سياحية كثيرة وحلوه...
بالنسبة لسؤالك العاشر ,, انت سجل في المعهد اقل فترة ممكن عشان تجربه واذا مااعجبك غيرة ,, ولاتنسى ترا المعهد بياخذ عليك رسوم تسجيل يعني اي معهد تروحله بيقولك ادفع رسوم تسجيل يعني لاتكثر تغيير معاهد عشان ماتخسر واجد....
واذا بغيت اخلص امورك مع معهد فأطلب ايميلي من الادارة..
.ورحلة سعيده.