انا بحكم خبرتي المتواضعه ممكن اعطيكي رقم تقيديري للتكاليف بمساحة 190م
حتكون التكلفه المقدره من 40 الف جنيه الى 60 الف جنيه مصري يعني 25 الف ريال الى 30 الف ريال
هذا طبعا تشطيب هاي لوكس على اقل تقدير لان الاسعار الان تغيرت وارتفعت نوعا ما
واهم حاجه تتوفقي مع ناس امناء وكويسين والعمليه متعبه وشاقة لازم يكون واحد ثقة تعتمدين عليه في متابعة العمل

جزاك الله خيرا على الرد يا شاهين العرب بس عندي كمان سؤال لك ولي اي واحد ممكن يكون عنده معلومه,
إذا كنت اريد تشطيب لوكس فقط مش هاي سوير لوكس حيكلف تقريبا نفس الشي؟
وكمان لو حد عنده معلومة كم ممكن يأخذ شغل التشطيب ؟
شكر لمسبق لك من سيساعدني في هذا الامر ولكم مني الدعاء

الاخت taqwa
السلام عليكي ورحمة الله وبركاته
اهلا ومرحب بيكي دائما في بلدك الثاني مصر
بالنسبة لموضوعك والله انا حاسة بمعاناتك لان اسعار اي شيء في مصر كل يوم في ارتفاع متزايد باستمرار الله يكون في عونا احنا كمان اللي بنتكوي كل يوم بغلا الاسعار
نصيحة ليكي مني انك تشطبي الفيلا تشطيب هاي سوبر لوكس لانك في الحالتين هتدفعي سعر كبير واعتقد ان الفرق مش هيكون كبير بين الاتنين دا غير ان التشطيب الهاي سوبر لوكس بيفرق كتير من حيث الشكل الجمالي
وكمان يا ريت لو تقدري تسلمي المهمة دي لمكتب متخصص في الامور دي الا اذا لقيتي شخص جدير بثقتك وقتها ممكن تسلميه مهمة تشطيب الفيلا وانتي مغمضة عنيكي ومرتاحة
وعلي فكرة الشخص اللي مش راضي يقولك علي التكلفة الاجمالية للتشطيب اكيد مليون المية كان عايز يعمل مصلحة كبيرة عليكي ومع الاسف في ناس كتير منهم طماعين حتي مع اهل بلدهم وياريت حتي بعد ما بياخدوا حقهم وزيادة يعملوا شغلهم بما يرضي الله
علي كلا انا هكتبلك رقم صديقة يمكن تقدر تساعدك في موضوعك ان شاء الله الرقم هو 0020120479465
واتمني ليكي من كل قلبي ان مشكلتك تنتهي علي خير وسلام ان شاء الله
والسلام عليكي ورحمة الله وبركاته

جزاك الله خيرا يا كاريزما مصرية بس لو تكرمتي ممكن تشرحي لي ماهو الفرق بين الوكس و السوبرلوكس و الهاي سوبرلكس ... بصراحة انا مش عارفة الفرق بالظبط ايه يعني ممكن يضحك علي بسهولة الواحد اطلب منه مثلا هاي سوبرلوكس ويقولي لي اتفضل عملت لك المطلوب ويسلمني لوكس او عادي.