حياك
اول شيء بالنسبة لمدة الرحلة اشوف انها حلوة وجيدة
بالنسبة للاماكن او المدن اللي تزورونها
المسالة تفرق هل اول مرة تسافرون ماليزيا او سافرتوا قبل كذا
عموما لو اول مرة تسافرون ماليزيا راح اعطيكم المدن المهمة
كوالا ===== يومين
لانكاوي ===== ثلاث ايام
بيننغ ======= اربع ايام
كاميرون ======= يومين
جنتنج ======= يومين
ملكا ========= يومين
كوالا ======== خمس ايام
بالنسبة للفنادق فيه اربعة نجوم وفيه خمسة
لكن الاهم من هذا انتي حددي مدى السعر اللي يناسبك
وبعدها نحاول كلنا نرشح لك الفنادق اللي المناسبة في حدود المبلغ
بالنسبة لاماكن التمشيات في كل مدينة
شوفي المواضيع المثبتة راح تعرفي كل الاماكن في كل مدينة

أنا ممكن أتكلم عن فنادق جربتها ..
في كوالا فندق ماريوت .... ممتاز جدا ، وميزته للعوائل إنه وسط المعمعة ( حلوة معمعة ) .
وفي بينانج فندق موتيارا زين وممتاز وفيه مسبح للصغار وألعاب .. لكن عيبه إنه بعيد عن المعمعة يعني لازم تكسي ..

مشكورين أخواني على الرد
احنا أول مرة نروح ماليزيا والميزانية للفندق الغرفة ما تتجاوز 100 $ الليلة ، لأنه بنأخذ غرفتين يعني ميزانية الفندق في الليلة المفروض ما تتجاوز 200$ للغرفتين (غرفة ثلاثة وغرفة مزدوجة) ...
اذا فيه أماكن طبيعية ثانية مثل جزر .. في ماليزيا ممكن الاسم وأهم مميزات الجزيرة والسكن ...
وأسماء فنادق نظيفة 5 أو 4 نجوم في المناطق اللي ناوين نزورها ...

حياك
طيب المدة والميزانية للفنادق اشوف انها جيدة
وهذا الجدول حسب رأيي الخاص
في كوالا اسكنوا مرة في شقق داربي بارك ومرة في تايمز سكوير
في لانكاوي اسكنوا في لانكاوي لاقون كوخ على البحر ولو ما ناسبكم السعر شوفوا هوليدي فيلا
في بيننغ اسكنوا في بي فيو بيتش او موتيارا
في كاميرون عندكم شقق في فندق اكوتوريال
في جنتنج اسكنوا في غرفتين فيرست ورلد وتكون من نوع ورلد كليب
بالنسبة للجزر انا اشوف ان لانكاوي وبيينغ كافية مقارنة بمدة رحلتكم
وهي من اهم الجزر طالما انكم تزورون ماليزيا اول مرة
لكن خلي المرة الجاية إذا الله أراد جزر جديدة

اشوف ان التفصيل تمام زي ما تفضل الاخ صادق

شكراً جزيلاً أخوي صادق الإحساس ...
الأكواخ اللي في الجزر أشوف صورها وشكلها حلوة ونظيفة بس اذا زرتها وشفتها فيه سؤال صغير ..
فيها وزغ يعني داخل الكوخ والغرف ولا لا ؟
وفيه شاليهات مناسبة لعدد العائلة في الجزر ؟
فندق Palace of Golden Horses (قصر الخيول الذهبية) موقعه في كوالالمبور مركزي ولا بعيد عن أماكن التمشيات ؟
وأتوقع بنضيف لخطة الرحلة جزيرة بانكور ، بس كم يوم تستاهل نقعد فيها ؟
مشكور أخوي على المساعدة

حياك
بالنسبة للأكواخ اللي تكون فوق الماء
هي طبعاً حلوة ومكان استراتيجي أكثر من المباني
لكن المشكلة إن البعض يشتكي من زيادة الناموس فيها
لأنها فوق الماء مباشرة .. أما الوزغ فحسب علمي إنه منتشر بكثرة في فندق بيلانجي
لكن لانكاوي بحكم إنها جزيرة ملاصقة للماء
والأشجار والغابات محيطة بها من كل مكان فممكن تشوفين مثل هذي الحشرات
يعني لاتستغربين لو فتحيت الطاقة ولقيتي قدامك سحلية موب وزغة
لاتخافين ولا تشيلين هم الجزيرة جميلة وهادئة ونظيفة ولا غنى عن زيارتها
بالنسبة لفندق الخيول الذهبية
مثل ما تفضلتِ هو رائع لكنه بعيد عن التمشيات
لكن ملاصق له سوق والعاب اسمها ماينز ويندلاند
يعني لو بتجلسون فيه يومين مو مشكلة كتغيير جو
على أساس باقي ايام كوالا تقضونها بفندق في وسط البلد
بالنسبة لجزيرة بانكور
الحقيقة ما زرتها من قبل
لكن من وجهة نظري إن الاماكن هذي يكفيها يومين إلى ثلاثة بالكثير
عموماً افتحي خاصية البحث واكتبي بانكور اكيد راح تشوفين كل شيء عنها

الله يعطيكم العافيه معلومات مفيدة

مشكور أخوي صادق الإحساس ما قصرت
بس عندي أسئلة زيادة (طماعة) :

• التنقلات بين المدن ، قرأت في المنتدى أنه الباصات أوفر ، اذا جرب أحد الباصات ممكن يعطيني ملاحظات ...
• ناوين تكون التنقلات بين الجزر بالعبارة ، هل فيه عبارات أو سفن زينة ؟

ومشكور أخوي يعطيك الله ألف عافية