..أم منصور..
25-07-2022 - 07:08 pm
بسم الله الرحمن الرحيم
السلام عليكم ورحمة الله وبركاته
بعد تجولي وتصفحي للقسم وقراءتي لبعض التقارير والمعلومات ..
حبيت أكتب موضوعي إلي أطمح بكرمكم وخبرتكم ..
عندي أفكار مو واضحة .. وحابة إنكم تساعدوني بترتيبها وتوضحون لي أفكاري وتنصحوني ..
السفر راح يكون إن شاء الله بأول شهر 7 .. لمدة 9 أيام .. بالطيارة .. أنا وزوجي بدون العيال ..
ودي أزور اسطنبول - بورصة ..
ومن تصفحي للمواضيع شدتني طبيعة شمال شرق تركيا .. واشتهيت أروح هناك ..
لأن المدة قصيرة فأبيكم تعطويني نصيحة بالنسبة للمناطق الأولى بزيارتنا ..
بورصا واسطنبول وشمال شرق تركيا
هل تأيدون فكرة السكن في اسطنبول وبورصة وإنا نروح نشوف المناطق السياحية ونرجع لفندقنا ؟؟
ما عندنا هدف يخلينا نتعنى نروح للحمامات العلاجية والمياه المعدنية يعني مو ضروري .. إذا ما كانت بطريجنا .. لذلك ألغيت يلوا من جدولي بما إني بكون ببورصة وبروح منها وإليها للأماكن السياحية ..
ياريت تسوون لي جدول وخط سير رحلتي والمناطق إلي يسوى الواحد يروح لها ..
وياريت ترشحون لي فنادق مناسبة للسكن حسب الخطة إلي بتقترحونها علي .. يعني فنادق 5 نجوم أو 4 نجوم تكون حلوة ونظيفة ..
أختكم أم فيصل
