اسطنبول المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
أم عذبه
11-06-2022 - 05:25 pm
السلام عليكم ورحمة الله
اخواني القائمين على بوابة تركيا أبغي مساعدتكم وجزاكم الله كل خير
أنا ناويه أسافر تركيا واجازتنا من 24 /3 - 2/4 ( مدة بسيطة بس حابين نغير جو)
نحن بصراحه رحنا من كمن سنة تركيا واستمتعنا كثير ،والحين نريد نغير أماكن وأبغي مساعدتكم ، أنا زرت اسطنبول وبورصه ويلوا وازمير ، أريد أماكن غير هذي وأريدها تكون قريبه من بعض لأن الفترة قصيرة ماأريد أقطع مسافات بعيدة
الحين شو اقتراحاتكم؟
عددنا 5 أشخاص كبار وطفل ونفضل السكن فشقة ، بس أريد أعرف المناطق وأنا بنفسي ببحث عن السكن وكل شي لأني خذيت لفه على المنتدى ولقيت أشيا فادتني بس أريد مساعدتكم في المناطق المقترحة


التعليقات (5)
عسل العسل
عسل العسل
انطاليا - مانفقات - كيمر - فتحية : (الدفا والبحر)
او
طرابزون - اوزونجول - سامسون: (الطبيعه والبساطه)

أم عذبه
أم عذبه
تسلمي اختي على الرد
انا اخترت ( طرابزون - اوزونجول - سامسون)
طيب شو المناطق اللي أسيرلها في هذي المدن؟ وهل يكفي أستأجر فندق في ترابزون وأرجعله كل يوم بعد الجولات وللا لازم استأجر في منطقه ثانيه؟وشو وسيلة التنقل المناسبة ؟
سامسون شفتها في الخريطه بعيده عن طرابزون، هل ينفع نسيرلها ونرد في نفس اليوم لطرابزون؟
وأهم شي الجو ، هل بيكون بارد وايد في هالمناطق في شهر 3 ؟هل بنستمتع بالمناظر الطبيعية في مثل هالوقت وللا لا؟ترا أهم شي عندنا الطبيعه والاستجمام
والسموحه منكم

A BETTER MAN
A BETTER MAN
عزيزي طرابزون طبيعة خلابة و هدوء
انصحك ان تسكن في اوزنجول في البداية و آخر يوم في فندق نوفوتيل القريب من المطار
المعوقات
التكاسي غالية فلو تستأجر سيارة يكون افضل السياقة في طرابزون سهلة جدا
اللغة في بعض الاماكن ما يعرفوا انجليزي

A BETTER MAN
A BETTER MAN
في رأيي اهم شي وسيلة التنقل
الاماكن المهم زيارتها
اوزنجول يفضل تسكن فيها عشان بعد ما ترجع من طلعتك اليومية تتمشى فيها
آيدر الطريق لها رائع تجلس فيها ساعتين و ترجع للفندق
طرابزون في آخر يوم افضل فندق هو نوفوتيل
ممكن تزور السوق و بحيرة سيراجول

أم عذبه
أم عذبه
شكرا جزيلا أخي على الافاده
أنا بصراحه حجزت في طرابزون (نوفوتيل) وفي ريزا (فندق Ridos Thermal& Spa) هذا عجبني وبعدين نرجع طرابزون مره ثانيه عشان المطار ، مالقيت فنادق حلوه فأوزنجول
الحين بقى وسيلة التنقل بستأجر سيارة مع سايق ان شاء الله
أخي شو رأيك بهالبرنامج شفته من موضوع ( برامج مقترحه)،و آسفه على الازعاج بس باعتقادك كيف بيكون الجو في آخر شهر 3
برنامج لطربزون وما حولها
==============
يوم في طربزون
يوم في ماتشكا وكوشندرا و سامولا
يوم زيارة زقانا(أختياري)
يوم زيارة حيدر نبي
==========
يكون الأستقرار في طربزون او متشكا او كوشندرا
يوم زيارة اوزنقول
يوم زيارة سلطان مراد
يوم زيارة شكر سو
==========
يكون ألاستقرار في اوزنقول
يوم زيارة ريزا(أختياري) السكن فيها
يوم زيارة أيدير السكن فيها


خصم يصل إلى 25%