abosaoud010
29-08-2022 - 04:51 am
السلام عليكم .. كيفكم اخواني واخواتي
بارك الله فيكم على ما تقدمونه في هذا المنتدى ..
عندى استفسار بسيط جدا واتمنى اجد عنده حل
انا مسافر بشهر شعبان يوم 11 الى طرابزون بجلس بها 6 ايام مقسمه
4 ايام ف طرابزون
يومين في ازنجول
وبعدها ارجع الى اسطنبول
انا كيف اتنقل في طرابزون وكيف اروح من المطار ل طرابزون والى ازنجول وكيف ارجع للمطار من ازنجول
استاجر سيارة والا اركب تاكسي والا احصل سواق يوديني الاماكن الى حددتها ؟
كذلك في اسطنبول نزلت خرائط كثير بس ما عرفت لها ولا فهمتها حاولت اركز فيها ما عرفت
هل اركب مترو والا اركب تاكسي والا وش السواة
والله اني شايل هم المواصلات ولا اعرف كيف اتصرف فيه ؟
انا بسكن في اسطنبول في منطقة السلطان احمد وبجلس في اسطنبول 4 ايام
ممكن تساعدوني ..
طبعا موضوع التنقل بالمواصلات العامة لازم تحدد الاماكن اللي بتروح لها اول شي
وتشوف الخريطة وين موقعها علشان يكون فية ترتيب للمحطات اللي تنزل بها
مثلا تريد الخروج من السلطان احمد وتتغدا تحت جسر غلاطة وبعدين تمر تقسيم تتمشى شوي والمغرب تروح لمول جواهر
اول شي تاخذ الترام ب2 ليرة تقريبا وتركب وتشوف المحطات معلقة بالترام وبالصوت ايضا يقولون اسم المحطة المقبلة
اذا وصلت محطة امين اونو تنزل تشوف الجسر على يمينك فية ممر من تحت الشارع يوديك للجسر تروح عن طريقة
بعد الغدا تركب المترو باتجاة كابتاش اخر محطة للترام تنزل فيها وتدخل محطة مقابلة لها المحطة ذي توصل فقط من كابتاش الى ساحة تقسيم رايح جاي
تركب فيها (او تاخذ تاكسي عادي ممكن 10 ليرة لانك الان قريب من تقسيم قطعت نصف المشوار من السلطان احمد) لو ركبتالمترو الصغيرذا بتوصل ساحة تقسيم تطلع من المترو المصغر وتشوف قدامك مدخل المترو الرسمي اللي يودي اغلب الاماكن ,ان تذهب مثلا الي شارع الاستقلال تتمشي وترجع للمترو وتركب فية وتكون عارف المحطة القريبة لمول جواهر يمكن هي ثالث محطة شيشلي اظن او اللي بعدها المهم تنزل فيها وتدخل المول
الرجعه نفس الطريقة