أم العسل
27-07-2022 - 01:32 pm
السلام عليكم ورحمة الله وبركاته
صارلي مدة وانا أشوف تقارير أكثر من بلد لأننا محتارين وين نسافر هالصيف
وتقريبا وصلنا لقرار انا وزوجي اننا نروح على سويسرا
والحمدلله حصلنا عرض حلو على الطيران العماني لمدة محدودة
سعر التذكرة للشخص 252 ريال عماني .. على مطار زيورخ
طبعا الخطوط الأخرى غالية نار وفرق كبير جدا بالسعر
بالأول اتمنى من الخبراء يساعدوني باقتراحات لبرنامج سفرتنا ما عليهم أمر
معانا طفل رضيع ,, رح يكون عمره 4 شهور وقت السفر
اللي هو على نهاية 6 أوبداية 7
واستفساراتي هي
كيف رح يكون الطقس بهالفترة ..؟ بالنسبة للحرارة والأمطار
وهل الأفضل السكن في الأرياف (شقق) أم في الفنادق ؟؟ من ناحية الأمان؟؟
وكيف ممكن نقتصد في سفرتنا ...؟
لاحظت الكل يستأجر سيارة لان المواصلات غالية مثل ما فهمت .. بس زوجي مو متشجع نستأجر.. كيف أقنعه؟؟
وهل في مطاعم حلال ..؟
ودي سفرتنا تكون اقتصادية وممتعه بنفس الوقت
أشكركم مقدما
الاقتراحات يعتمد على المدة واستعدادكم للتنقلات.. وطبعا انترلاكن محطة لابد منها..
أنا وقت رحلتي رح يكون نفس توقيتكم باذن الرحمن
بالنسبة للأجواء من بحثي لقيت انها تتراوح بين 11 و25 تقريبا
يعتمد على المنطقة.. وارتفاعها.. والليل والنهار
يعني حتى لو كان النهار حار شوي الليل ممكن يكون بارد بالذات للأطفال
والأمطار متوقعة في كل وقت
بنتي قررت بانوع لها صيفي وشتوي خفيف وأركب عليهم جاكيتات خفيفة واحمل 2 ثقال
وطبعا مع القبعات والهلهوبات ....
خصوصا ان بنزور لوغانو وباريس وأشوف الكل يقول حارين شوي والصور في التقارير تشهد
بس بالنسبة للصغير ربي يحفظه صغنون انتبهي له مع تقلبات الجو
ربي يحفظهم من كل سوء ويعدي الرحلة على خير
بس عنا أغلب الفنادق حجزناها في الأرياف.. والله خير حافظ
وان القيادة هناك سهلة وآمنة والكل يلتزم بالقوانين يعني أسهل من عندنا
وفي وجود الرضيع ممكن تحتاجي أغراض كثيرة للصغير.. بالنسبة لي السيارة أريح من ان اتنقل بالعربة والأغراض بين القطارات
ومن ميزاتها أيضا الأوقات تتحكموا فيها وكذلك التوقفات لو احتجتوا لشي في نص الطريق أو التغيير للصغير في أي وقت احتاج وكذلك التوقف للصلاة
وبالنسبة للمطاعم ماعندي فكرة