والله ياخوي لو الامر بيدي كان حطيت لوحه على مدخل بتايا كتبت فيها ممنوع دخول العوائل ياخوي بتايا ديرة طرب وعزوبيه الواحد عنده غيره مايرضى على اهله انهم يشوفون الاشكال الوصخه اللي هناك وبالنسبه للحجاب مو مشكله في بنات متحجبين ولكن النقاب!!!!!!!!!! ماادري يعني ممكن تكون الانظار متوجهه عليكم بكل مكان

اولا ,, مبروك مقدما وتراني معزوم على الزواج :8888:
ثانيا ,, فندق الماريوت في بتايا يعتبر من افضل الفنادق ,, واحسنت الاختيار ,,
ثالثا ,, اعتقد ان بتايا ,, شبابيه اكثر من انها عائليه ,, ولكن بامكانك تختصرها في الرحلات في الصباح ,, والعوده للفندق في الليل ,, او الجلسه في احد المقاهي " ستار بكس , هاقن داز " في الليل ,,
رابعا ,, بالنسبه للحجاب أو النقاب ,, مااعتقد انه راح يكون هناك اشكال ابدا ,, وخاصه ان الكثير من العوائل راح تكون هناك ,,
وأخيرا ,, النصيحه انك تستبدل بتايا في جزيره ثانيه افضل ,, وخصوصا انك في شهر عسل :wink:

اخى يوجد خيارات احسن من بتايا فبعض المناظر فيها تخدش الحياء
واتمنى ان اخترت ماليزيا
مع تمنياتى لك بحياه سعيده ورحله موفقه

اخى يوجد خيارات احسن من بتايا فبعض المناظر فيها تخدش الحياء
واتمنى التغيير الى ماليزيا
وسامحنى هذا مجرد رأي
مع تمنياتى لك بحياه سعيده ورحله موفقه

شكرا لكم جميعا
وكلكم معزومين على العرس
بس ياشباب انا والله مثلكم كنت متشائم من بتايا بس والله خويي بالشغل اصر علي اروح لها واكيد ماراح تكون الطلعات الا بالنهار يقول تستاهل الروحه طبعا لاماكن معينه ومساءا ماراح اطلع اصلا عريس......ههه....وياريت تعطوني امل في بتايا من جد حطموني كثير الشباب والله انا كنت حريص حتى في اختيار الفنادق علشان الخرابيط .....

1. اخي العزيز نصيحتي لك

السلام عليكم و رحمة الله و بركاته
اخي العزيز سابك1
صبحك الله بالخير و مبروك الزواج والله يجمع بينكم بخير و يوفقكم ,,
اخي العزيز سأرد عليك بكل صراحه و اتمنى انك تتفهم و تتقبل ما ساقوله بصدر رحب
لا تفكر انك تروح لبتايا و اهلك معاك لان بتايا فيها اشياء محرجه لك ولاهلك و ساضع امثله لك :
1_اكثر الاماكن في بتايا راح تشوف فيها بارات وديسكوات وفساد عينك عين خصوصا مناطق العرب:112: .
2- من المؤكد انك راح تتغدى او تتعشى في عدة مطاعم في بتايا و خصوصا المطاعم العربيه ( تخيّل شكلك انت والمدام تاكلون و الطاوله اللي بجانبك فيها شباب وكل واحد معاه صديقته التايلنديه (والبعض معه صديقه الجنس الثالث الليدي بوي) ويضحكون ويسوون حركات مخله للذوق العام امامك ؟

اخي العزيز نصيحتي لك

انحش عن الديره اللي اكثر مافيها العرب المتمردين من الشباب واكبار السن مثل اللي في بتايا , واللي قال لك ان بتايا تستاهل الزياره مع الاهل احترم وجهة نظره ولكن بتايا وش فيها ؟ ركوب الافيال؟ حدايق التماسيح؟ حديقة الاحلام؟ والسيارات و غيره وغيره؟
يا اخي العزيز كل هذه الاشياء موجوده في اغلب مناطق تايلند مثل بوكيت و بانكوك وغيرها
ارجوك رجاء شديد ان تنتبه لهذا الامر وشوف لك منطقه غير بتايا ترا تايلند كبيره و حلوه ومناطقها واجد وكل منطقه لها مميزات جميله .
و بالنسبه لحجاب الزوجه الله يحفظها فالامر يعود لك وترا كلنا عيال قبايل و حمايل وانا ان شاء الله مسافر تايلند في اواخر شهر سبعه الجاي لمدة 15 يوم باذن الله ومعاي المدام و ابشرك توني متزوج ما صار لي شهر , والامور وانا اخوك سهالات خلها تلبس حجاب محتشم وتوكل على الله و حاول انك تقعد من الصبح للرحلات والتمشي و بالليل لا تكثر من الطلعات .
اخي العزيز
هذا الكلام من القلب للقلب واذا فيه اي غلط غير مقصود فالعذر من الله ثم منك .
الله يوفقك و تروح و ترجع بالسلامه

حاول إنك تدور منطقة بديلة عن بتايا
لأن بتايا للأسف لاتصلح للعوائل !!!!!!!!

السلام عليكم
اعتقد الامر متأخر الان يعني لما تحجز بعدين تقول متخوف ؟؟
عموما اسمع كلامي ياخوي مادام انك حجزت وعزمت تروح قول في نفسك لازم استانس مو اتخوف والا المكان ماراح يعجبك بالمرة ..تحياتي لك وسفرة موفقة

عندي سؤال لكم اتمنى القى جواب
هالحين تقولون بتايا ما تصلح للعوائل وفساد ومدري ايش طيب ليش انتم يالرجال تروحون لها ترى من ناحية الحرام للرجل وللمرأه واحد والا احد محللها لكم
بالنسبه لك اخوي سابك الف مبروك
وانت الحين عريس ما معك اطفال هم اللي ماودك يشوفون هالاشياء اذا حجزت وودك فيها اتوكل على الله وروح وحاول ما تطلع متأخر وقلل روحاتك للمطاعم العربيه وابعد عن المناطق اللي فيها قلة الحيا