حياك الله يا ملح الشمال
وألف مبروك على العرس
عندك 10 ليالي صافية في ماليزيا
الفترة تعتبر قصيرة خاصة وأنت رايح شهر عسل فياليت تزودها إلى 13 ليلة
لكن على العموم إذا مافيه مجال فأقترح عليك التوزيع التالي مع الفناق:
2 سلانقور : فندق صن وي بيرميد غرفة سوبريور مطلة على الحديقة المائية
4 لنكاوي : فندق ويستن لنكاوي غرفة ديلوكس مطلة على البحر
4 كوالا : فندق رويال شولان غرفة ديلوكس (وتخصص يوم لزيارة مرتفعات جنتنق)
التنقلات
من المطار إلى سلانقور : تاكسي ب 85 رنقت والمسافة ساعة إلا ربع
ذهاب وعودة إلى كوالا بواسطة طيران إيرأسيا ومدة الرحلة ساعة واحدة فقط
جنتنق تروح لها تاكسي أو باص والمسافة ساعة إلا ربع
تمنياتي لك برحلة سعيدة إن شاء الله

وعليكم السلام ورحمه الله وبركاته
اولاً الف مبروك مقدماً
ثانياً عندك 10 ايام من غير يومي السفر ..
ارشح لك البرنامج التالي ..
2 سيلانجور فندق صنواي لاقون ..
4 لنكاوي فندق ويستن ..
4 كوالا فندق رويال شالون ..
طبعاً هذه الفنادق هي من افخم الفنادق .. يعني اذا رغبت في فنادق اقتصادية ممكن نساعدك في اختيارها..
التنقلات ..
من سيلانجور الى لنكاوي طيران .. اسيا اير
ومن لنكاوي الى كوالا طيران اسيا اير ..
طبعاً هذا البرنامج بناء على رغبتك ..
اذا تحب اضافة اماكن اخرى مثل بينانج او جنتنق ممكن نضيفها مع تقليل الايام في بعض الاماكن الاخري ..
مع تمنياتي لك بأجمل الاوقات في ربوع ماليزيا ..

ما شاء الله ..
المشرف الرائع المغادرون سبقني بالرد دائماً سبّاق ما شاء الله عليه ..
بس طلع برنامجي نفس برنامج المغادرون ...

مشكورين جميعا لكن عندي كم سؤال :-
1- وش الافضل بين هالفندقين ( صن واي بريميد وألا صن واي لاقون ) وكذلك السعر .
2- افضل سلانجور والا بتروجايا ؟
3- لنكاوي في بالي شاليهات موتيارا ؟ وش رايكم فيه وهل هو افضل والا ويستن اللي رشحتوه ؟
والله يسعدكم دنيا وآخره

في سيلانجور أفخم فندقين هما صنواي لاقون والقولدن هورسز ( الخيول الذهبية)
طبعا صنواي لاقون 5 نجوم وصنواي برميد 4 نجوم
أيضاً الاثنين يشتركان في نفس الموقع ولنفس الشركة ويشتركان في كل المرافق تقريبا
صنواي لاقون أفخم وأغلى والبريميد فخم أيضاً و أرخص من لاقون
طبعا مونتارا يعتبر خيار اقتصادي اما ويستن أفخم وأحلى وأغلى
والخيار لك

هلابك ياملح الشمال ...
أنصحك بجدول الأحبة ... فهو الأفضل والأجمل ..
وبخصوص الأسئلة تفضل الأجابات :

• فندق الصن واي لاقون أفخم من البيراميد ... وهم ملاصقين لبعض وفي نفس المكان
• سلانجور أفضل وأجدر بالزيارة .. وبوتراجايا تكفيها زيارة أربع ساعات لأنها تبعد عن سلانجور 20 دقيقة
• فرق شاسع بين الويستن والموتيارا ... الويستن خمس نجوم وأسطوري ... والموتيارا ثلاث نجوم وعادي جدآ

الله يرضى عليكم خلاص بالنسبة لسلانجور وكوالا قررت على الفندق
اما لنكاوي ودي تذكرون لي اكثر من خيار وانا راح اقرأ عنها واقرر
آسف جدا ثقلت عليكم لكن انتم اخواني ومعروف عنكم كرمكم

هذا يعتمد على الميزانيه يا غالي
في فنادق رخيصه جدا وفي غاليه جدا وفي وسط غالي مثلا شيك على فندق ميرتوس بلانجي بيتش شوفه بيعجبك او لنكاوي لاغون

مشكورين جميعا بالنسبة للسعر يعني فوق المتوسط
بصراحة اعجبني كثير برجايا لنكاوي وخصوصا الاكواخ اللي فوق الماء
وش رأيكم فيه ؟ بكرة الاحد ضروري احدد واحجز وانهي امر الحجوزات وابدأ في التنسيق اليومي للرحلة