السلام عليكم ورحمة الله وبركاته
الله يكون بعونك والله 9 ايام قليله ولكن حيل الله اقوي
الجدول الأفضل لو فيك شده تواصل للنكاوي اقصد بعد الرحله الدوليه
فهو افضل واتعب بس عدد الأيام يحكم و لكن اعمل حسابك يكون بين وصول
رحلتك الدوليه و مغادرة رحلتك للنكاوي يكون ثلاث ساعات لو كان علي طيران آير آسيا
او ساعتين ونص لو علي الماليزيه ونصيحه احجز الطيران الداخلي علي الماليزيه عشان تقلع من نفس المطار
ويصير جدولك
ثلاث ليال لنكاوي -- ليلتين الكاميرون -- اربع ليال كوالالمبور
او لو ماتقدر تواصل وتبي تريح ليله فهو افضل ويصير جدولك
ليله بورت ديكسون -- ثلاث ليال لنكاوي -- ليلتين الكاميرون -- ثلاث ليال كوالالمبور
واشوفه انسب واحلي منها تنوع مناطق اكثر ومنها تريح اول ليله ومنها
تجرب السكن اول ليله بمنتجع قراند ليكزس وترهومز انترناشيونال سابقا
غرفه ببركة سباحه بسعر معقول جدا
بالنسبه للتنقل بين المدن
اول ليله لو فرضا سكنت بالبورت ديكسون او سيلانقور او واصلت
تروح طيران داخلي إلي لنكاوي وترجع من لنكاوي علي نفس الطيران
ومن مطار كوالالمبور عندك طريقتين الأفضل والأسهل والأريح انك تاخذ تاكسي
من المطار عندك شركة بدجت او غيرها تقريبا من المطار للكاميرون بحدود 300 الي 350 رنقت
مشوار حدود اربع ساعات تقريبا
او طريقه ثانيه تاخذ تاكسي او باص من المطار لمحطة الباصات بكوالالمبور بودورايا
وتحجز من هناك باص للكاميرون الباص ال VIP للشخص الواحد من 30 إلي 30 رنقت تقريبا
بس تبي الصراحه مشوره وتعب و ممكن تأخير شوي فالتاكسي مباشره من المطار للكاميرون
اريح واسهل ويمكن لو حسبت فرق الخساره مايتعدي 150 الي 200 رنقت او اقل
بالنسبه للتاكسي في لنكاوي موجود في كل مكان واصلا اغلب الفنادق في لنكاوي
التاكسي الموجود فيها هو نفسه التاكسي اللي يشتغل بالخارج مو خاص بالفندق
واحلي مافي تاكسي لنكاوي الأسعار موحده علي جميع المشاوير وعند كل تاكسي لسته بالأسعار
وانت الأفضل لو بتروح جولات داخل لنكاوي ومنتزهات و غيره تاخذه بنظام الجوله اللي هو اربع
ساعات ب 100 رنقت وفيه ارقام لسائقين مجربين في ماليزيا ممكن تطلع عليها شوف الرابط تحت
بالنسبه لحجز تذاكر الطيران بالعاده الحجز عن طريق النت اقل بشي بسيط من
المكاتب حتي نفس الوكاله ولكن انت شيك في النت و شيك المكاتب واحجز الأرخص
تفضل ارقام السائقين
https://artravelers.com/p/re/390429

مقترح المناسب لكم و الاريح لكم عن كثرة التنقلات و ضياع احلى الاوقات ....
2 يوم مرتفعات جنتق ( اجوائها مشابه لمرتفعات الكاميرون و قريبة من العاصمة كوالالمبور ) 45 دقيقة بالسيارة
3 يوم لنكاوى و الاقامة فى احد المنتجعات الشهيرة مثل الويستن او الدانا
4 يوم كوالالمبور فندق تريدرز او رويال شولان
الذهاب الى الصنواى لاقون او سفارى افاموسا صباحا و العودة مساء
رحلة موفقة

مشرفنا zazaz الله يبارك فيك وجزاك الله كل خير
بالنسبه للكاميرون قريت انه مشواره صعب بس منطقه رائعه جداً جداً لانه عائلتي راحولها من شهرين ومدحوها لي كثير
شكلي برتاح يوم في سيلانجور او كوالالمبور واليوم الثاني نكمل مشوارنا الى كاميرون ونقضي فيها ليلتين ونرجع لكوالالمبور عشان نسافر
على لنكاوي ونقضي فيها ثلاث ليالي وبعدها نرجع الى كوالالمبور ويكفينا يومين فيها ونرجع الى الوطن بإذن الله
ان شاءالله نثبت على هذا الجدول وما يتغير
اما بالنسبه للطيران الدولي والداخلي هل تنصحني أحجز من مكاتب الطيران ؟
وأخيرا شو رايك بالفنادق الي اخترتها وشو تنصحني *

السلام عليكم
بالنسبه للتذاكر إذا لكم معرفه بالحجز عن طريق النت فأكيد
إن افضل خاصه الطيران الداخلي المكاتب يرفعون اسعارها بشكل خيالي
فالحجز عن طريق النت ارخص بواجد وافضل
بالنسبه للفنادق صحيح انا نسيت ماعلقت عليها بردي السابق
وهي فنادق جيده إقتصاديه لا تتوقعون الفخامه وافضلها الدوريست ريجنسي
حلو وموقعه قريب جدا من شارع العرب حدود ثلاث دقائق مشي لشارع العرب
وشيكوا إذا سعر الرويال شولان او البارك رويال قريب منه فهم افضل
وبالنسبه لفندق لنكاوي الموتيارا فندق جيد وشاطئه ممتاز والغرف عاديه بس نظيفه وجيده
بالنسبه لفندق الكاميرون الأكوتريال موقعه افضل موقع بالكاميرون إطلالته ممتازه
بس غرفه مستهلكه شوي ولكن ماهو سئ جيد وفيه افضل منه فندق دي لا فيرنس
وعموما فنادقكم جيده واقتصاديه وشي طبيعي فيه افضل منهم لكن اكيد أغلي

الأسفار متعتي تسلم على هالجدول واضح انه مريح اكثر من الجدول اللي اخترته بس المشكله انه
زوجي مصر على زياره الكاميرون
اخي zazaza شكرًا على مرورك الطيب وبالنسبه للطيران الداخلي أحاول أحجز من النت اعتقد شفت موضوع لاحد الاعضاء يشرح
طريقه الحجز اما بالنسبه للفنادق فانا احترت من كثر ما قريت وكل يوم أقرر فندق بس ان شاءالله اثبت على جدول وبعدها أقرر
بالنسبه للفنادق

الأسفار متعتي تسلم على هالجدول واضح انه مريح اكثر من الجدول اللي اخترته بس المشكله انه
زوجي مصر على زياره الكاميرون
It,s Up To You