ام هدوي
29-10-2022 - 07:29 am
السلام عليكم
انا ودي اطلب من الموجودي طلب ......
من يقدر يسااعدني ويسويلي برنامج ؟:36_1_21:
المشكله زوجي قالي رتبي برنامج لبلجيكا لمدة اسبوع والسفر فجر يوم الجمعه من قطر إلى الامارات ومن بعدها على بنسافر على طيران الاتحاد الى بروكسل وانا اول مره اروح اوروبا
وعلى فكره انا بسكن في ماريوت
والي بيسويلي بدعيله من كل قلبي
أرجوكم ساعدوني :36_1_44:
الجو حلو في بروكسل وافضل شي فيها ( القراند بالاس - ميني يوروب ( حديقة فيها مجسمات لدول اوروبا ) - سوق السيتي دو - شارع لويس افنيوز ( شارع راقي كله ماركات شبيه بالشانز) -ملاهي واليبي تبعد ساعه عن بروكسل حلوة - فيها متاحف كثيرة للاسف ما زرت شي منها ..
اذا بتروحون اعتقد ايام كافية لها وممكن تطلعون منها زيارة لعدة مدن سواء داخل بلجيكا او خارجها اهم المدن الي ممكن تزورونها : باريس تبعد ساعة وثلث - اوستند على البحر رايقة مره وبالقرب منها مدينة بروج تسمى( فينيسيا الشمال) لكثرة الممرات المائية فيها ممكن تطلعون لاوستند وبروج في يوم واحد ويبعدون ساعة عن بروكسل بالقطار - دوسلدوف ( المانيا) تبعد ساعتين ونصف حلوة لكن الرحلة شوي متعبة - امستردام تبعد ساعة وشوي ما رحلت لها - لندن تبعد اتوقع ساعتين وشوي بالقطار ..