هلا فيك اختي الكريمه
استطيع الرد على بعض الاسئلة وليست كلها :
1- أفخم فنادق روما :
الحقيقة بحثت قبلك في هذه الفنادق وأستطيع الان بعد تجربتي في فندق روما
ان أعطيك أفضل فندق كموقع وكفخامة : بالترتيب الآتي :
1- The Westin Excelsior, Rome
Via Vittorio Veneto 125 · Rome 00187 · Italy
ميزة الموقع : في شارع فينيتو الشهير والراقي
وهو شارع قهاوي ومطاعم - زي الشانزليزيه لكن اصغر بكثير لكن قصدي نفس الفكره -
و بعده عن اهم منطقة في روما - ال سبانش ستيبس - لا يتعدى ال 800 م لمن يريد المشي
او بالتاكسي بتكلفة 6 يورو لا اكثر . .
ولماذا ال سبانش ستيبس ؟ لأن امام المدرج نفسه اهم شارع تسوق في روما
2- St. Regis Grand Hotel, Rome
Via Vittorio E. Orlando, 3 · Rome 00185
وهذا انا سكنت فيه وهذا تقريري عنه :
https://artravelers.com/p/re/137997
وهذا الرابط فيه افخم الفنادق الايطالية التي بحثت و فصلت حولها وقارنت
https://artravelers.com/p/re/113191
=================
2- اسعارها هل زي اوروبا الباقيه ؟
اختي بالنسبة للفنادق الراقيه ادخلي كل موقع لهم وشوفي الاسعار
ما راح تلقين غرفة في فندق فخم فخم في روما او ايطاليا بصفة عامه اقل من 350 يورو الليلة
يعني مش اقل من 1700 ريال تقريبا
==========================
3- النصب والاحتيال في ايطاليا :
انا زيك سمعت هالكلام وحذروني كثير من السرق والامور هاذي
لكن ولله الحمد والمنة انا الان في ايطاليا وصار لي فيها قرابة ال 20 يوم
ولم أصادف مواقف ولم اتعرض لشيء بالعكس والله شعب محترم و ودود ومتعاون وحبوب
افضل شعب اوروبي شفته في حياتي حتى هذه اللحظه . .
لكن السرق والامور هاذي ممكن تلقينها في جنوب ايطاليا من نابولي وتحت والله اعلم
لكن احتياطا ً يعني مثلك عارفه اذا هم بنات يعني المفروض ما يتاخرون برا
فوق الساعه 10 بالليل . . يستحسن يعني
وبنفس الوقت ما يحاولون يلبسون اشياء تدل على الترف و الكشخه
عشان بس ما يلفتون العين والحذر واجب مهما كان . .
========================
العرب في روما :
كانك تقصدين المقيمين فالجالية المغربية والمصرية هم المتصدرين للعرب المقيمين
وكانك تقصديم اماكن تواجد السياح الخليجيين او العرب فنادرا ً بتشوفين عوايل خليجيه في روما
حسب ما شفته انا ،، لكن ان شفتيهم بتلقينهم من جنسيتين ثنتين لا اكثر : سعوديون و كويتيون
والغالب تواجدهم في الليل وقت العشاء في شاره فينيتو اللي قلت لك عنه وفيه فندق وستن ..
================
المصنوعات الجلدية و الاطفال و وناستهم عاد ذي اخليها لبقية الاخوان يفيدونك فيها اكثر مني
وحياك الله اختي

1. إنتعاش


2. ==================


3. البلد ما تنفع مع اطفال او للاطفال باختصار شديد جدا


4. ==================

إنتعاش

اخوي انتعاش ,,, مع احترامي الشديد مليون مرة ,,, انا الحين في ايطاليا ,,, ما شفت شعب فيهم سلبية وتعامل سيء واخلاق فاشلة زي الايطالين ,,, وربي ما ابالغ كرهتها من شعبها ,,, نفس الالمان بس كل واحد له طريقته الخاصة مع التعامل الزفت مع احترامي للجميع ,, البلد حلو مافيه كلام بس الشعب باختصار والصراحة لا يطاق ابدا ابدا ,,, يعني البريطانين الي فيهم ثقالة الدم لكن محترمين ومتساعدين معك ومتعاونين ,,, انا اعرف كل بلد اوروبي فيه ناس ما يحترمونك كعربي ,,, بس انا ما كتبت هذا الرد الا من قلب عالتعامل السيء الي شفناه منهم والي طبعا ما توقعناه ,,, والتعامل له دور كبير في راحتك في اي بلد تسافر له ,,, بس غير الايطاليين في ايطاليا تعاملهم اقولك محترم وراقي ومتعاون ويمثلون نص الشعب ,,, لكن التعامل السيء ياثر عالنفسية كثير ,,, وصار لنا اكثر من موقف نستاء منه بس نسكت لان " ياغريب كن اديب" ,,, ونحاول نرقع عشان ننبسط بس لسا يبقى في نفسنا , يعيني نشاور نفسنا مليون مرة وكل واحد يقط عالثاني عشان اذا نبي نسال عن شي او عن مكان خايفين يطلع الانسان تبع المنظومة السلبية ,,, عاد مرة نكون محظوظين ومرة نتحسف سالنا ,,,

==================

اما عن المصنوعات الجلدية ,,, في فلورانس شرينا جلد لين طلع من خشمنا ,,, وجلدهم حلو ومرتب ,,بس ما شرينا من الكوشكات لان ما نضمن الجوده صراحة ,,, شرينا من المحلات نفسها واكيد اغلى ,,, او بالعربي تراه غالي ويسوى ,,, و ما اتوقع بتلقين مثله كمدينة مختصة بهذا الشي.
==================

البلد ما تنفع مع اطفال او للاطفال باختصار شديد جدا

==================

اما عن النصب ,,, الي بنبهك عليه ,,, قبل ما تتعاملين مع اي شخص فاصلي معه بالسعر بعدين اشتري ,,, لان هذي هي الحركة الي ممكن يسوونها ,,, تحسين الشي رخيص وما يسوى ولما تاخذينه تتفاجئين يضربك بالسعر وما تقدرين تتراجعين وبتشوفين نفسك بموقف سخيف وتدفعين وانتي مقهورة ولا تنبسطين بالشي الي شريته لان بتحسين انه استغفلك ,,, انا ما مريت بهالموقف ,, بس شفت كذا واحد يحاول يتعامل بالحركة هذي وهم طبعا من الباعه المتجولين ,,, بس ما اخذ الشي الا وانا متفاهمة معه بالسعر ,,, وترا كل شي قابل للمكاسر شي طبيعي في كل مكان في اوروبا ( طبعا ما اقصد المحلات والاسواق)
=================
العرب من نادر الى منعدمين ,,, حاليا هذا الي شفته في روما وفلورانس ,,, كل السياح اجانب الي موجودين.
=================
الفنادق اتوقع اخوي انتعاش افادك فيهم ,,, وكلامه عين الصواب
================
اسعارها ,,, تقريبا كل اوروبا تتشابه ما حسيت في فرق ,,, بس المشكلة ان اليورو ارتفع خ (

ياهلا بج اختي الكريمة
بالعكس اختي احترم رايج و مداخلتج على العين والراس بلا شك
وطبعا اختلاف الاراء يعتمد على الانسان من شخص إلى شخص حسب المواقف او الامور اللي مر فيها
ومن واقع تجربة فلذلك ما اقدر اني اقول لك لا يا فلانه ما يصير لا تقولين كذا . . لأني بكل بساطة
انسان ما شفت او مريت باللي انتي مريتي فيه . .
يعني زي ما تقولين تعاملي يكون مع مثلا موظفين الفنادق او السواقين او البياعين او جرسونات المطاعم
او مثلا ام ،، موظفين الاماكن السياحية زي مراكب في فينيسا او يعني شي كذا
لكن احتكاك بالشعب نفسه نفسه يعني انسان الشارع ما لي احتكاك فيهم اطلاقا
وصعب يعني اعرف هذا ايطالي او غير ايطالي لأن الملامح الحقيقة تخدع ..
لذلك اختي الكريمة لو فيه مجال ياريت بس تقولين لي امثله على المواقف اللي حصلتيها او واجهتيها
و خلتك يكون عندك هالنفسية اللي عبرتي فيها واللي تنم عن تذمر شديد جدا جدا للي شفتيه هناك
والله يسعدكم و يونسكم و يكفيكم شرور الاخرين
تقبلي احترامي و تقديري الشديدين

metzan6ra
اختلف معك ميه بالميه الشعب الايطالي طيب و اخلاق يشبهون العرب الى حد كبير حتى ان الاوربيين يسمونهم بدو اوربا
فيهم عرابجه عدم اهتمام بالنظام النظافه مو قد كذا بس تعامل الشعب منتاز جدا لاني عايش معاهم لي ثلاث سنوات
بس اعتقد حظك مو قد كذا لانك طحتي في ناس مو قد كذا

مشكورين على الردود الله يعطيكم العافيه ..وياليت احد يجاوب على باقي الاسئله

اختلاف الاراء على الانطباعات كبير في ايطاليا مدري ليش بس اتوقع فيه بنود معينه اذا الواحد ما تجاوزها ما راح يتضايق يعني ما يتعامل مع اي احد يعتمد على فئة معينه زي ما ذكر الاخ انتعاش ويحاول ما يلفت النظر بالبس او بالحركات لان بعضنا الله يهديهم يكون يتمشى ويوقف والطريق مزحوم بالمشاة الي طالعين من دواماتهم وغيره وحنا نعيقهم ببرودنا لانا نتمشى وفي الاماكن العامة يكون الاطفال ماخذين راحتهم زيادةعن اللزوم ونفس الشي يضايقون الناس والامور الي زي كذا لو راعاه الواحد ما فيه احد يحس فيه هل هو سائح او مقيم على قولت السدحان (ننصهر في المجتمع) هذا رايي

انا مع الاخmetzan6ra في كلامه عن ايطالياميه بالميهاخس بلد وما تستاهل يدفع الواحد فيها ولا ريال مو يورو

اروع سوسو
اخواني الاعضاء المحترمين..اجمل تحية لكم جميعا
انا رايح انشالله بعد اسبوع سويسرا وايطاليا مع زوجتي وصراحة من كثر ما سمعت عن الطليان (عرب اوروبا) لاعت كبدي منهم وكرهتهم ..وانا ما باروح ايطاليا الا غصب عني ومن فوق خشمي (انا ما قلت انها اوامر المدام) ..انا سمعت عن بعض المضايقات للعوائل الخليجية بصفة عامة في اوروبا وهذا طبيعي جدا (حظك نصيبك يا تمشي وانت مبسوط والا يجي واحد يعكنن عليك) لكن سؤالي المهم واللي يهمني جدا (النقاب ام الحجاب في ايطاليا) وان ماحد ارد على حولت الوجهة الى اوغندا
تحياتي للجميع

عن نفسي رأيت مرتين امرأتان بالنقاب في ميلانو
والوضع عادي ولكن لا يخلو من نظرات المستغربين من بعيد لبعيد يعني
الحجاب او لف الرأس عايدي جدا و 99 % من الخليجيات في ايطاليا محجبات ولله الحمد ..
وصدقني اخوي انت عندك هالفكره عن الطليان نفسي بالضبط
انا كنت متشائم ومش مرتاح نفسيا . . لكن لما شفتهم بعيني الصراحه يعتبرون عندي افضل شعوب اوروبا
وان شاءلله ربي يستر عليك ويوفقك و يكفيك كل شر . . وتشوف اللي انا شفته وتنبسط