د/سوسو
12-01-2022 - 10:49 am
صباح الخير
اول شي الي ابغى اتاكد منه بخصوص التاشيره
رحلتي من 7 الى 24 اوقست
وبكره بابدا بالتاشيره
الرحله راح تكون الوصول الى باريس والعوده من جنيف
هل تكفي تاشيره الشنغن ؟
الي اعرفه الشنغن ممكن ادخل فيها سويسرا بس ضروري تكون ملتيبل(متعدده الدخلات)وبدون التاشيره السويسريه
المعلومه هذي صحيحه؟
غير كذا كم تحتاج وقت؟ وهل الصور المطلوبه صوره عاديه نفس تبع الجواز؟
الشي الثاني انا تعبت اقسم الرحله كل الي اعرفه انه من 5 الى 6 ايام في باريس(والافضل تكون 5)
بعد كذا سويسرا افكر 5 او 6 ايام بانترلاكن(كيف الطريق لها عن طريق القطار؟مباشر ام لا)
وبعدين جنيف بس ماابغى اطول فيها(بالكثير 4 ايام)
وبكذا راح يبقى لي كم يوم ماادري وين احطها
بالنسبه لي نفسي اروح زيلامسي بس الي فهمته من موضوع من قبل انه المشوار لها بعيد وماودي اتنقل اكثر من كذا ولا اغير في القطارات كثير
فلو مثلا ينفع تكون باريس انترلاكن زيلامسي جنيف ام لا؟
واذا ماينفع تنصحوني الايام الي بتبقى وين احطها؟
عارفه كثرت اسئله بس انا جدا صرت محتاره ومتلخبطه في المسارات والطرق
الف شكر
السنة هذي الفيز مسوية مشاكل (الكلام في الرياض .. أما جده والشرقية والخليج مدري)
طبعا تشينقن يكفي لدخول سويسرا ولا حاجة لفيزا سويسرية (خصوصا اذا كنت خليجي)
بس الفرنسية السنة هذي مزدحمة وفيه ناس شيكوا على حجوزاتهم وطالبوهم بفاكس من الفندق نفسه .. أيضا يطلبون طلب سيء حيث يشترطون الحجاب للمرأة من خلف الأذن !! طبعا شي مزعج للكثير من نسائنا .. وياخذون أكثر من شهر في بعض الأوقات وراجعي بوابة فرنسا وتعرفين حجم الاشكالات اللي صايرة ..
عموما بامكانك تسوين مثلي .. حجوزات وهمية على النمسا (فنادق) وشراء تذكرة الى فينا بنفس المدة اللي بتجلسين فيها بسويسرا وفرنسا ثم تصويرها (لاعطاء السفارة نسخة) ثم الغاءها ويعطونك فلوسك مع خصم خمسين ريال حق طباعة التكت ..
عموما وقتك ضيق وانا ما ابغى أضيق صدرك لكن الحقي من اليوم.. وأي سؤال أنا حاضر
موفقين