اخواني في الله ماراح اطول عليكم او اسرد تقرير طويل عريض بس حقول المختصر المفيد من رحلتي لتركيا
رحلتي كانت ولله الحمد مع عائلتي الصغيرة الى اسطنبول لمدة 5 ايام
الجو كان حر خفيف في الظهيرة ورائع جدا جدا في الليل مااعتقد تحتاجوا جاكيتات الا للاطفال فقط
الفندق كان في الانتر في التقسيم وكان جدا جدا ممتاز في كل شيئ موقع خدمات ترحيب تعامل كل شيء
الشعب التركي طيب الى ابعد الحدود مبتسم بشوش مزوح بصراحة ماشفنا اي شيء منهم الا كل ود واحترام
اللغة صح انهم مايتكلموا عربي بس نسبة طيبة تتكلم انجليزي وحتى اللي لا ذا ولا ذا كنا نشرحله بالاشارات
ويفهم على طول
التكاسي كل مواصلاتنا كانت بالتكاسي وبصراحة اشوف اسعاره كانت معقولة نوعا ما
اهم شيء لا تتفقوا بالعداد لانه اسطنبول مرة زحمة وحيزيد عليك العداد بسبب الوقوف المتكرر
التقسيم يقولوا مو امان ومناظر تخدش الحياء كله ذا كلام ماشفنا ابدا وبصراحة التقسيم كان مرة منطقة
استرتيجية للسكن وامان وناس كل واحد في حاله
بالنسبة للاماكن الحلوة في اسطنبول من وجهة نظري المتواضعة هي
1- استينيا بارك
2-جواهر مول
3-الحديقة المائية
4-ميدان التقسيم في مطعم ايطالي اكله مرة رهيب يجي في الزاوية وسعره طيب كمان
5-بورصة
6-جزيرة الاميرات
7-بيبك (مطعم رينا +مطعم سورتي اهم شيئ تحجز قبل ماتروح)
8-رحلة مضيق البسفور
9-السوق المصري
10-فورم اسطنبول بصراحة مرة مايستاهل الروحة استينيا وجواهر افضل منه مليون مرة مافيه الا حوض السمك وبس
اخر شيئ رسوم الفيزا في المطار كانت 15 يورو او 20 دولار وزي مااعطيناها الجوازات رجعتها باحترام يعني لا رمتها في وجوهنا ولاشيئ من ذا القبيل
اتمنى تجربتي تساعدكم على تخطيط حلو لسفرتكم والسلام ختام