1. http://www.millenniumhotels.com/my/millenniumkualalumpur/index.html


2. * اليومين الثانيين في منتجع سنواي لاقون


3. بعدها طرنا الى جزيرة لنكاوي وخصيصا الى منتجع بلانجي

السلام عليكم
رحلتي الى ماليزيا كانت بتاريخ 16122007 حتى تاريخ 28122008
وكانت جدول رحلتي كالتالي
3 ايام في كوالالمبور في فندق قراند مالينيوم
2 يومان في فندق سنواي فيلا لاقوون
3 ايام في جزيرة لنكاوي ( تغير الجدول وقعدت فيها فقط ليلة وحده راح اذكرلكم الاسباب لاحقا )
2 يومان في كوالالمبور في فندق شانقاريلا
بتكلم بداية عن اول 3 ايام قضيناها في كوالالمبور في فندق قراند مالينيوم

http://www.millenniumhotels.com/my/millenniumkualalumpur/index.html

الفندق كان بقمة الروعة والهدوء وبوسط السوق وعلى يسار الفندق في مجمع يديد توه فاتح اسمه بافيليون ومن كلام موظفين الفندق ان المجمع ماصارله شهرين , ويوجد في مجمع بافيليون العديد من المحلات التجارية ويتكون من 4 طوابق اذا ما خانتني الذاكره وبنفس المجمع في سينما
وجدام فندقنا في فندق ماريوت ويضم مجمع تجاري راقي جدا يظم تقريبا جميع الماركات الغاليه
وبنفس شارع الفندق تتمشى يوصلك لي شارع العرب ,,,
ورحنا حديقة الحيوان ومصنع جلود والبرجين والعديد من الاماكن
وبالنسبه حق الفندق كان وايد وايد هادي والغرف ملوته رومانسيه هاديه بس انا ما رتحت بلاضائه الخافته لنه احب يكون المكان شرح ومنور
وتعامل موظفين الفندق وايد راقي وكان احسن فندق من حيث التعامل مع الموظفين والسيرفس

* اليومين الثانيين في منتجع سنواي لاقون

كان الفندق روعه وكانك بعالم ثاني يمك المدينه المائيه ومجمع تجاري من 5 طوابق وصالة تزلج داخل المجمع ,, فضينا اليومين كله بالفندق وبالمجمع التجاري والمدينه المائيه الي تضم مدينه اللعاب شوي صقيره وحديقة حيوان ,, والفندق يضم ملاعب تنفس وحوض سباحه كبير والغرفه كانت وايد حلوه وتصميمها عصري و حديث بس عيبه باب الحمام ما ينقفل وتفتحه جنك تفتح كبت او خزنه ,,,,

بعدها طرنا الى جزيرة لنكاوي وخصيصا الى منتجع بلانجي

كان المكان وايد حلوه يمك الشاطئ الصافي والي يشعرك براحة البال و الهدوء والاستجمام وفيه بحيره صغيره مادري اذا اهي طبيعيه او صناعية والغرف الي صايره على شكل بيوت من خشب وحواليها الاشجار والطبيعه والحشرات
وحوض السباحه كبير وايد وحلو ومغري انك تسبح فيه المفروض نقعد بالجزيره 3 ايام ولكن ما قعدنا فيها الا يوم واحد واليوم الثاني ردينا كواللالمبور بسبب الحشرات الاهل ما تحملوا ان يشوفون بريعصي داخل الغرفه وبعض الحشرات الي اهي طبيعيه بلاماكن لنه المنتجع بوسط الطبيعه رحنا فندق فور سيزون نقعد فيه بس ماكان في ولا غرفه فاضيه ,,, بس للامانه المنتجع بلانجي كان قمه في الروعه ولو يحصلي ان ازورها مره ثانيه واقعد فيها واكتشفها عدل وان شاءالله بالمرات اليايه
العوده الى كوالالمبور في فندق شانقريلا
الفندق كان بوسط كوالالمبور وقريب جدا من البرجين التوأم وهم قريب من الفندق الي سكنت فيه اول مره قراند مالينيون بالسياره ممكن 4 دقايق
فندق رائع والرسبشن وايد حلو وفي نشاطات حلوه مثل فرقه بالليل تعزف اغاني
والغرف نظيفه بس فخامتها بنسبه لي ما تظاهي فندق سنواي ولا قراند مالينيوم مع ان فندق شانقريلا يعتبر من افضل واشهر فنادق كوالالمبور وبقاعاته كان ييون شخصيات هامه ويوم كنا كان في وزير عنده اجتماع او حفل هناك
اسف على السرد البسيط والسريع بس لنني كتبته بسرعه لني مشغول جدا جدا هذه الفتره بس حبيت اكتبه لني عضو صارلي فتره بالمنتدى واستفدت منه وايد وما رديت الجميع له بسفراتي وما سردت وهذا اول موضوع
وشكرا