معليش يالغاليه ما ابي احطمك
لكن ..
اتوقع انها راحت لاني اشوف كم واحد ضاعت لهم اشياء بالقطارات زي كذا وقدموا عليها بلاغات والى يومك ماجاهم شي واشياء ماتستاهل السرق يعني جاكيت عادي او شي زي كذا ....
وكانو يتصلون على الشرطه كل يوم يسألونهم عنها وكان ردهم انهم يقولون ارقامكم وايميلاتكم موجوده عندنا اذا لقيناها نبي نراسلكم ..
لكن ممكن ترجع لك ماتدرين..
واذا ملزمه تبين تكلمينهم .. وين قدمتوا البلاغ في اي مدينه .. ونجيب لك ارقامهم وعنوانهم وممكن تكلمينهم او تراسلينهم
كل الدعوات الصادقه لكم بانكم تلقون الكام حقتكم
دمتي بالف ود

ما تدرين المال الحلال ما يضيع ,,,,انا مرة ضاعلى غرض ورجعلى ولله الحمد بعد ما بلغت عنه ,,,
بس انتى لازم تحطى الاحتمالين ببالك عشان ترضين بالواقع ,,,ولو على الكاميرا فداكم المشكله الصور اللى فيها !!!!!
احنا مرة نسينا الكاميرا بالتاكسي والحمدلله لحقناه قبل يمشى ,,عاد لو ضاعت الكاميرا انواع الفضايح كل صورنا فيها ,,,,

وعليكم السلام ورحمة الله وبركاته
شوف أختى الدنيا حلوه بصراحة هي في الغالب تروح عليكِ والسبب الرئيسي انه القطار يوقف كثير ويركبوا ناس وتنزل ناس وبالذات المراهقين اذا حصلوا شي ما يتركونه
ولكن برضوا في ناس كثير فقدوا أشياء أثمن من الكاميرا ورجعت لهم زي ما كانت يعني في النهاية لا تفقدوا الأمل وان شاء الله ترجعلكم
أختي والله يكون أحسن أنكم تابعون معاهم رغم انه هم في الأساس لو لقوا شي راح يعطوكم خبر يعني ما عندهم أهمال زي ماهو موجود في وطنا العربي
أختي ممكن تعطيني كيف كان خط سيركم ومتى كانت الرحلة يعني وقتها الصباح او بعد الظهر او في المساء وايش نوع شركة القطار علشان أشيك على أشياء يمكن نصل لحل
مع خالص احترامي

مرحبا بالجميع,,
اولا اخوي يوسف الف شكر مع انك حطمتني بس مازال عندي بصيص امل
واحساس داخلي يقول لي اني باحصلها وشكرا لاهتمامك,,
قصيدة سفر ,,
شكرا وفعلا الكاميره مانبيها لو نحصل الممري كارد كان عز الطلب
وفعلا احساسي مثلك المال الحلال مايضيع,,
الاخ ملبورن,,
والله توقعت انك تقدر تساعدني حنا كنا رايحين لقرية بستر فليج من لندن طبعا بس باقي التفاصيل مادري ممكن اقولها على الخاص تعرف صور بس لثقتي فيك من خلال كتاباتك هنا ونحسبك كذلك ان شاء الله عشان كذا قلت استشيرك في الموضوع ,,

شوفي لو خليت لخربت
صحيح كفار ونصاري بس كثير منهم لديهم امانة قوية اكثر منا المسلمين وانا جربتها...طبعا ماقصد انهم احسن من المسلمين بس اقصد انهم غير مسلمين ويوجد لديهم اامنة قوية لدي بعضهم ..يعني مو كلهم حرامية ونصابين
عموما اتصلي عليهم وشيكي معاهم يمكن يلقونها تابعي معاهم
واقولك في بصيص امل بس اغلب الظن انها راحت

الاخ ملبورن,,
والله توقعت انك تقدر تساعدني حنا كنا رايحين لقرية بستر فليج من لندن طبعا بس باقي التفاصيل مادري ممكن اقولها على الخاص تعرف صور بس لثقتي فيك من خلال كتاباتك هنا ونحسبك كذلك ان شاء الله عشان كذا قلت استشيرك في الموضوع ,,
أختي والله كان ودي أساعدكِ أكثر ولكني غير متواجد حالياً في المملكة المتحدة
تسلمي أختي على الثقة والله لا يحرمني منكم
شوف أختي يكون افضل لو تعلميني ايش اسم الشركة وما تتذكرين وين بالضبط فقدتوها يعني ايش القرى اللى ضيعتوها بينها
أذا عندك شي تبغي تقوليه خاص عندك بوابة الأقتراحات والشكاوي والدعم الفني
مع خالص احترامي

amore187 ::: تسلمين اختي على الرد .. و ان شاء الله بنلقاها
ملبورن ... مشكور جدا ... و احنا رحلتنا كانت في 2 اغسطس و الساعه 1 الظهر طلعنا من لندن لبستر فليج و عند نزولنا من القطار للقريه نسينا الكاميرا هناك .. و قدمنا بلاغ يوم رجعنا من القريه بنفس اليوم الساعه 4 .. و المحطه اللي قدمنا بلاغ عندها هي ميني بورن اللي على الشارع اللي فيه مدام توسو ....
و اذا لازم معلومات اكثر ممكن اقولها لك ببوابه الاقتراحات و الشكاوي ..
و ارجع اكرر شكري لك اخوي من كل قلبي

الدنيا حلوه
بس تعقيب بسيط ان المحطة اسمها
مارليبون marylebon

هلا باختي الحمدلله الان وضحت الصوره أكثر
اذا لازم معلومات اكثر ممكن اقولها لك ببوابه الاقتراحات و الشكاوي ..
لا ما يحتاج انك تروحين هناك
بس كان ودي أعرف اسم الشركة فهي أهم شي
مع خالص احترامي