مساء الخير جميعا...
الحمدلله خلصنا من التذاكر
وخلصنا من الفنادق
جا وقت جدول الطلعات
وأبغى مساعدتكم في كم شغله
أولا: قبل سنتين تقريبا قريت موضوع لوحده زارت ملاهي نيكلوديون
لكن المشكلة ماأدري في أي ولاية ولا إسم صاحبة الموضوع..أفتريت في المواضيع ألين أفتر راسي
ولا لقيت شي.
إذا أحد عنده فكره وين ألاقي هالملاهي يسوي فيني خير ..
لأني مره ودي أسويها مفاجأه لبنتي تموت على قناة نيكلوديون وأظن بتنهبل إذا وديتها الملاهي..
وثانيا: من وين ألاقي تذاكر رخيصه للمتنزهات والأماكن في أورلاندو ولاس فيغس ؟؟
وثالثا: في رحلة بقارب فيه مروحه من ورا كبيرة ماأدري إيش إسمه. في نهر تماسيح . حلوه وإلا ماتسوى؟
واللي عنده أي إضافة أو أي نصيحه لايبخل علي فيها .جزاكم الله خير .
للعلم جدولي من 18-6 إلى 19-7 2011 إن شاء الله
أربع ليالي نيويورك
تسع ليالي أورلاندو
8ليله لوس أنجلس يتخللها طلعات للاس فيغس
وسان دييغو واللي حولها
وبس