مرحبه اختي اتروحين وتردين بالسلامه انشالله وانا هم الاسبوع الياي رايح انشالله دبي بس بغيت افيدج عن مجمع فيه ملافع وعبي وانشالله لخوان ايفيدونج اكثر
في مجمع اسمه
(ابوهيل)
واهو مجمع مختص بالعي وشيلات يتكون على ما اعتقد 3 ادوار

وعليكم السلام ورحمة الله وبركاته
حياكم الله اختي في داركم الثاني وبين اهلكم
مثل ماذكر اخوي الكويتي عندك مركز ابوهيل مركز كله محلات عبايات
هذا غير المحلات المختلفه واللي تتواجد في كل المولات
واذا عندج وقت فيه سوق في عجمان اسمه سوق الراشد فيه محلات عبايا وشيل بس للامانه مازرته
بالتوفيق ان شاء الله

في محل في الشارقه اسمه بيناس للجلابيات والمصممه هنديه .. انا متاكده راح تشترين نص المحل

مرحبا الغالية ..
حياكم الله في الإمارات .. و يا مرحبابكم ^_^
بالنسبة للعبايات عندج مركز (ابو هيل) في دبي كله محلات عبايات بس انا شخصياً ما افصل عندهم
و بعد في المولات وايد محلات معروفة مثل ( دار الاختيار الأول / جيلاتو / حناين / المتحجبة .. الخ )
و عندنا بعد مصممات إماراتيات يفصلون عبايات ؛ انا افصل عندهن لان عباياتهن متميزة و راقية ..
بس طبعاً يعتمد على ميزانيتج و الوقت ما يساعد لان ما عندج غير اسبوع لكن اذا حبيتي خبريني و بطرشلج العناوين على الخاص ..
اما الجلابيات او (الدرّاعات) بتحصلينها في سوق (عكاظ) في دبي .. عندهم موديلات حلوة و راقية و اسعارهم رخييصة !
و بعد مثل قالت اختي ميثاني محل (بيناس) للجلابيات في الشارقة بس اسعارها غالية شوي
بالتوفيق و ان شاء الله تستمعون في رحلتكم =)

فعلا ماخاب ظني فيكم بيض الله وجيهكم ماقصرتوا

السلام عليكم و رحمه الله و بركاته ...
صح اني ريال بس هذه ما يمنع اني ادلي اب دلوي في هذه الموضوع ( يعني لازم اقول متزوج )
المهم ... انا لو تبين نصيحتي ... روحي عجمان وايد احسن لج لانج بتحصلين موديلات مختلفه و منوعه و بأسعار وايد ارخص من دبي و الشارقه ... يعني اتخيلي في عبايه مع الشيله امفصلنها في عجمان حق المدام اب 550 درهم نفس العبايه اختي ودتها المحلات في ابوظبي و دبي ما رضوا يفصلونها بأقل من 1200 درهم ... و الحلو في المحلات الي في عجمان انها كلها عند بعض و مكانها ما يضيع ... هي بالقرب من بلديه عجمان ... و لو تبين توضيح و تفاصيل اكثر انا حاضر ..... و ملبوس العافيه مقدماً

اختي العزيزة غلا الامارات ممكن يالغالية اسامي المصممات على الخاص لانه هذا المطلوب لاني ما احب الجاهز
وتسليمن يا الطيبه

اعتقد ان بو هيل فى اختيارات كثيرة واوصيك بسيدة الرياض وبو حليقة وحناين وايليت

اختي العزيزة غلا الامارات والاخت قهوة تركية المحترمات
ليش على الخاص اسامي المصممات للشيل والعبي ؟؟؟؟؟؟؟؟؟؟؟؟
خل الكل يستفيد انه يحصل على اسامي محلاتهم او عناوينهم وكلنا فخر اذا كان عندنا من بنات ديرتنا
مصممات للعباية والستر
ويسلمو