سافرنا الى باريس بتاريخ 22 اغسطس 2012 واليكم بعض الملاحظات :
1- انصح السكن في فندق قريب من الشانزلزيه قدر الامكان
2- تشتري تذكرة للباص والمترو 5 زون على عدد الاشخاص اللي معك كلفتني 180 يورو حق 5 ايام
3- الباصات سهلة وممتعه كل محطة باص فيها خريطة توضح الباصات اللي تمر فيها وتعلمك متى يوصل الباص طالع الخريطة واركب
4- والت دزني احجز حديقة وحده ويوم واحد لان الحديقه بالغصب يكفيها يوم واحد اذا تبي تروح الاستوديو احجز يوم ثاني
5- التاكسي من والى المطار يكلفك 50 يورو بعض العرب يطلب 70 بس سيارته مو تاكسي
6- الرحلة النهرية افضل وقت بعد الساعه 6 العصر عشان ماتضايقك الشمس وانت على سطح المركب
7- زرنا متحف اللوفر بس دير بالك من النشالين خاصة الزحمه عند صورة الموناليزا
8- يوم الاحد بعض المولات تسكر مثل مول لافاييت
9- عجبني مطعم pizza pine في الشانزلزيه كنا 4 اشخاص ويكلفنا كل مرة تقريبا 100 يورو
10- حجزت تذاكر والت دزني من فرع لهم في الشانزلزيه يطلبون جوازاتكم لان كل بطاقة يكتبون الاسم والعمر ويتاكدون منكم في بوابة الدخول انا اخذت البطاقات المدنية
11- في الفندق يطلبون منك بطاقة الفيزا لتامين الغرفه اذا شربت شي او اكلت من الفندق خلهم يخصمون من البطاقة لاني دفعت لهم كاش ولما وصلت المطار خصموا مرة ثانية من البطاقه يعني دفعت مرتين
2شارع ريفولي سوق ممتاز بس يحتاج الى لياقة عالية في المشي لانه طويل جدا
3اسبوع مايكفي باريس اقل شي 10 ايام
4الحمدلله وجود بعض اخوانا العرب في باريس يدلونك وينصحونك اذا الاكل فيه خنزير او لا
اتمنى مااكون نسيت شي