اختي كتكوته اخر شيء فكريه فيه اذا كنتي بتروحين النمسا او سويسرا او فرنسا بصفتي توني راجع منهم هو اللبس و الحجاب لاني بسفرتي شفت نساء خليجيات يلبسون العبايه السوداء الكامله و القفازات وحرام ماتبين الا خط عيونها وفيه بين البينين يعني لابسين نقابات وفيه بعضهم لابسين حجاب ملون وبلوزه طويله تكون وسيعه بحيث ماتبين من جسمها وفيه بعضهم كما يسمون الله يستر على ماعطانا سفور يعني لاغطاء ولا حجاب ولا بطيخ عادي
يعني اللي تبينه البسيه وعيشي وكانك في بلدك ترى الشعب هناك من كثر الخليجين ماصارو يستغربون ابد
با التوفيق

والله ماعندي خبر لان سفرتي بتاريخ 10-8
وانا بروح بالعبايه والشيله يعني مراح اغير شي فبلادي بالعبايه والشيله هناك بالعبايه والشيله .
بس اخوي حدي مصر ماقصر

عادي اختي تحجبي بالحجاب الكامل
طبعا فيه نظرات استغراب
لكنه لاتعدو مجرد نظرات عابره

كتكوتة2000
اختي تبين النصيحة انا رايح مع زوجتي في يوينو الماضي و زوجتي لابسه عباه على الكتف و حجاب كامل مع نقاب اسود في اسود و لا فيه استغراب يذكر الا قليل القليل و من بعض الاطفال الصغار " يحليهم بعضهم يشفون المدام و يقولون واو فقط ويمشون " فنصيحتي و انا اخوك التزمي بالحجاب الكامل و ترضين ربك و تنبسطين مثل ما انبسطنا و موفقه انشاالله

انا ماراح ازود على كلام الاخوان والاخوات خاصة كلام حدي مصر ...
ولكن عندي حاجة بقولها لحبيبي حدي مصر ....
انا يوم قريت الموضوع وخصوصا هذي الفقرة :
يلا يا بنات افيدوني لأنكم زرتوها من قبل عطوني لمحة عن الملابس اللي تناسبنا احنا الخليجيات هناك
شكرا لكم
توقعت البنات هم اللي بيردون بس ... ولكن يوم شفت انك اول واحد رد صراحة قعدت
ولكن صراحة ماقصرت كفيت ووفيت

حبيبتي اولا انا عارفة اني متاخرة كثير بالرد بس يلا اعذريني 00ثانيا انا مع زوجي انتداب في المانيا لأشهر (والحجاب اللي لابسينه زي عباية الفراشة او الكاب بس ملونات يعني بني ’بيج’ رمادي فاتح مع شال ملون تلفينه كانه لثام )يعني الحمدلله مابان شي الا العيون 0بس تغيير عن الاسود00صح (بس اهم شي وانتي تفصلين العباية اطلبي منهم يعطوك ربطة الحجاب او قبعة الحجاب وهيا كانها ربطة شعر بس عشان تثبت الشال وتضبط اللفة 00)ارجوا اني افتدك

السلام عليكم
انا توني جايه وكنت بحجابي كامل ومنقبة بس غيرت الالوان ممكن تاخذين الوان فاتحه بيج سماوي ابيض وغيرها او بالعباية السوداء ولله الحمد الكثير متمسكات والموضوع عادي بس فيه نظرات استغراب بس لايهمك والتوفيق .

مشكورين على السؤال والتوضيح

انا من اسبوع رجعت من النمسا والمانيا ولبسي كان العباية السودة والشيلة والنقاب بس ما غطيت وجهي . وما شاء الله شفت يمكن كم وحدة بعباية الراس والنقاب كامل وبعضهن بالعباية والشيلة والاغلب الله يهديهن لابسات البالطو مع البنطلون لكن ما عجبني لانه كان محدد الجسم .
ممكن انج تلبسين شيل تكون الوانها هادية وفاتحه او اتفصلين لج بالطو طويل وساتر يكون بلون فاتح ومعاه شيله بنفس اللون انا يوم كنت هناك فكرت بهالشي لان الجو كان حار في فيينا والعباية السودة تمتص الحرارة .