السلام عليكم
آسفه ازعجتكم
بس اخاف لازم اسأل واعرف كل شيء الاول
اتصلت على دار التوحيد وسألت عن سويت يتكون من غرفتين قالو 5800
الحين باقي الهيلتون غرفتين وصالة بكم ؟ ومين قد نزل بغرتين وصالة بالتحديد
ميزانيتي لليوم 2000 اذا بفندق غير دار التوحيد , اما اذا دار التوحيد مستعدة ل 3000
علماً بأني راح اقعد بمكة ان شاء الله اسبوع كامل
مين جرب غرفتين وصالة بفندق هيلتون ؟
كيف ابراج وفندق مكة هيلتون ؟ , الابراج لحالها ولا هو كذا اسم بس ؟
لمن ندخل المول ونبغى نطلع للوبي فيه لفت ولا سلالم كهربائية بس ؟
كيف تعامل الموظفين ؟
كيف اللوبي زحمه مرة ؟
كيف افطارهم ؟
كم لفت فيه عشان وقت الصلاة وكذا , مايكون زحمه ؟
لانه مره شفت الاسعار بمنتدى ورحت مكة وتورطت ان الاسعار اضعاف اللي شفتها بالمنتديات دار التوحيد قالو 8000 3 غرف وصالة وبالمنتديات يقولون 4000
وكل الفنادق فل فركبت تاكسي وندور حصلنا واحد بعيد اظن اسمه فلسطين غرفتين وصالة ب 950 مع افطار مجاني
وجيت ادور مرة ثانيه حصلت مكتوب سعر فلسطين 300 غرفتين وصالة وغرفة وصالة 190 , كيف يجيبو اسعار كذا !!
فاتمنى اللي زار هيلتون مايقصر ويجاوب على اسئلتي اللي فوق ولو معه اضافة ياريت يضيفها
ملاحظة فندق فلسطين ماانصح احد فيه الغرفة متر في متر كانك بسجن والاسره صغيره وحتى ال Tv من القديمه اللي حتى فادق 3 نجوم تحط بلازما او ال سي دي
هو خدعنا في اللوبي كان مقبول اعطيه 7 من 10
اما الغرف فحدث ولا حرج ولا الصالة فيها طاولة طعام 3 كراسي !!
والخدمة زفت يعني لو تبغى تتغدا بالفندق تطلب 1 يجيك قرب اذان العصر
لكن ماانسى ان فطورهم في البوفيه ممتاز جداً واعطيه 9 من 10 والبوفيه كبير واكبر من فندق ويستن بجدة اذا جربتوه
وعنده محلات ومطاعم كويسه . والباصات رايحه جايه الحرم لكن الغرف > <
اخر سؤال انا معي قطه تسافر معي كل مكان فندق هيلتون يدخلونها ولا لا ؟
لانه مرة حصلت لي مشكله بفندق ويستن جدة ومادخلوني فحطيتها بمحل يومين وبعدين خبيتها بكيس ودخلتها خ
يلا انتشرو