أيها الإخوة والاخوات الاعزاء .....
قبل أسبوع كان لنا كشتة خفافية مع وجيةٍ شرواكم في باطن جزيل شمال غرب القويعية
أبو عادل , وأبو ثامر , وأبو جواد , وولد أخوي أبو داوود , والأبناء فارس وبدر
كانت الجلسة لا توصف وبرادٍ في هاك المسيلة يجيب العافية وطبعاً سوالف وعلومٍ غانمة
نخليكم مع الصور ونتمنى لكم حسن المشاهدة
هذي عزبة الديرة تونا شارينها ( جديدة ) ومخصصة لمحيرقة فقط
وأول ما نبدأ نركب القهوة
ونضبط المهيلة
أبو ثامر وأبو عادل قمة الوناسة
أبو ثامر يبدأ في الشغل - وطبعاً الرجال يقول مانبي كبسة نبي مشوي ذبحنا الرز قلت اللي تشوفه مشوي مشوي
طبعاً طبخنا الحمام لحال والأرانب لحال
يتبع ..... يتبع
أوقد النار يا شبابها
أبو جواد وحديث لا يمل
هذا الحمام جاهز للشوي والقرمشة
وهذي الأرانب جاهزة للقرمشة والتقمير
نحطها كلها في الشواية ونشويها على الجمر
ونقول بإسم الله الرحمن الرحيم