المتقد
16-07-2022 - 02:42 am
السلام عليكم
هنا ساتحدث عن تجربة شخصية قد يختلف معي فيها من يختلف
وقد يتفق معي فيها من يتفق
لكن يبقى احترام الرأي والود للجميع
كما أن الهدف من ذكر السلبيات هو الرغبة في الوصول للأفضل وتصحيح الخطأ
بداية أنا لم أزر جدة منذ العام 1992 ميلادي يعني لي 16 عام لم ازر جدة الا المطار
للذهاب لمكة المكرمة ومرتين لتقديم العزاء لأقارب وعدت في نفس اليوم
قدر الله علي الأسبوع الماضي الذهاب لجدة بعد أن أنهيت عمرتي بمكة مع الأولاد
وحقيقة لم اجد سبب واحد يجعل جدة وجهة سياحية "في الصيف"
انا من الرياض اشرد من الحر في الرياض لأجد نفسي في قدر ضغط من حرارة جدة
ويمكن ان اختصر السلبيات في ما يلي:
1- حر موت
2- غلاء فاحش في كل شئ وكأنك في جنيف
3- انقطاع الماء في الشقة التعسية
4- كثرة المتسولين
5- الزحمة الشديدة والناس معصبين وكلهم مستعجلين
وكله كوم والبحر المقدس هذا كوم
اذا انت على قدك ممنوع تستمتع بالبحر الذي يفترض ان يكون هو الجاذب الرئيس لجدة
البحر كله شاليهات واذا تبي بحر ادفع مبلغ وقدره
استأجرت شالبه تابع لفندق شهير "غرفة وصالة" 1800 ريال الليلة والشاليه كله بعوض واثاثه قديم وحالته ما يعلم فيها الا الله
اهم شئ استفدناه من زيارتنا لجدة "المدام اقتنعت انها ماعاد تجي جدة"
وحسب المخطط ذهبنا للطائف المئنوس وهناك حكاية أخرى
وش جاب تعاسة الرياض ورتابة المدينة وملل الحياة فيها عند جدة
الرياض اللي انت ساكن فيها ماتسوى شيء عند جدة
وأنا برد عليك فيما قلت //
تقول
ويمكن ان اختصر السلبيات في ما يلي:
1- حر موت
اما هذي ماصدقت فيها الحراره في جدة اليوم 34 درجه يعني في الليل براد ولافيه رطوبه
والرياض الحين 49 والصحيح فوق 50 .
2- غلاء فاحش في كل شئ وكأنك في جنيف
والرياض غاليه .. ترى ساكن انا بحي الورود في الرياض وهي غاليه مثلها مثل جدة والبركة في التجار
وش دخل المدينة في ذلك .
3- انقطاع الماء في الشقة التعسية
ماأحد ضربك وقالك أقعد فيها الشقق في جدة بكبر الرياض كلها والسبب ان مدينة جدة التوسع في العمران طولي
يعني عندك خيار تركها هي والشاليه وتشوف غيرها وماكثر ربي في جدة الا الشقق والفنادق والشاليهات
4- كثرة المتسولين
والله ثم والله انها مثل الرياض رح شف اشارة العروبة تقاطع طريق الملك فهد امام المملكة وشوف اذا ماجاء شحاذين
ابويمن بس جدة شحاذينها تكرن .
5- الزحمة الشديدة والناس معصبين وكلهم مستعجلين
يالله الرياض اللي مافيها زحمة طريق خريص جاب لي الصرع في الدوام كل يوم
الله يفكني من الرياض وغبارها
وجهة نظر وهي الواقع
اما ماقلت من ناحية ان البحار كله شاليهات والبحر بفلوس
صادق وابصم لك بالعشره
ونصيحه لوجه الله اذا تبغى تسافر لأي مدينة يجب عليك التخطيط والسؤال وريحونا من سالفة زي ماتجي
ياتصيب وتصير حلوه ياتخيب وتجيب العيد مثل ماسويت
تحياتي لك ولاتزعل