1. قضيت فيها 5 ايام في باريس والباقي ف النمسا


2. اقول للي مستصعبين الوضع بالعكس سهل جدا مافيه اي صعوبه

السلام عليكم ورحمه الله وبركاته
حابه اكتب لكم اشياء بسيطه عن سفرتي اللي كانت ل فرنسا والنمسا لمده 17 يوم

قضيت فيها 5 ايام في باريس والباقي ف النمسا

اقول للي مستصعبين الوضع بالعكس سهل جدا مافيه اي صعوبه

رحلتي الداخليه كانت على اير برلين من باريس الى فيينا لمده ساعه واربعين دقيقه ( واحنا بالطياره قدموا لنا وجبه ولما سالت عنها قالت لي ساندوتش هام وذ تشيز عاد احنا ما ادري ايش الهام لما بحثت طلع لحم خنزير كويس اللي ما اكلنا من الوجبه )
ثاني شي الصراحه ماتقيدت بالجدول اللي حطيته واحس استانست اكثر خصوصا باليوم كنا نروح لاكثر من 3 اماكن ونرجع نبي النوم ونصحى بدري 6
في فيينا كنت بحجز على القطار النمساوي الرسمي (QBB)وكانت لسالزبرغ ب 105 يورو لشخصين وانا واقفه عند الباب بشتري التذاكر خلاص اعطاني واحد برشور لشركه قطارات الحجز بالانترنت من تاباك اللي يبيع الدخان في محطه القطارات لسالزبرغ ب 19 يورو للشخص
ومن نفس القطار ب 25 يورو للشخص والحمد لله اني سافرت معهم اسم الشركه
west bahn شعارها مثلثات اخضر وازرق وتوصل الين فريلاسنق الالمانيه
بس ماتوصل لزيلامسي للاسف
في زيلامسي اكثر شي استمتعنا بالبحيرات وولف قانق وسانت جلجن وفوشل ام سي
اللي يروح لسالزبرغ ومايروح لها احسن شي يكنسل سالزبرغ بكبرها
احنا اخذنا تذكره ذهاب لولف قانق
ومن ولف قانق ركبنا البوت لسانت جلجن
والعوده من سانت جلجن لسالزبرغ في طريق الذهاب تقدرون تنزلون ب فوشل ام سي
وكلها ماكلفتنا 30 يورو اما رحله البحيرات من عند الانفورمشين ب 70 يورو
في زيلامسي صعدنا لقمه كابرون ب 66 يورو لشخصين ولما رجعنا البطاقه اعطونا 6 يورو
الاسعار مره زادت وقارنتها بين كتيبين عام 2011 و 2012
سكنا بنيو بوست الشقق وما اخذنا بطاقه زيلامسي وعلى فكره البطاقه ما تنباع لاننا سالنا عنها
العوده كانت عن طريق وورقل ومسؤوله القطارات حاولت تخليني اخذ الرحله اللي عن طريق سالزبرغ لانها اغلى والوقت اطول
وورقل اقصر بالطريق وارخص بالتذاكر الفرق مو كبير بالسعر لكن الوقت نبغاه اقصر
الاسعار تقريبا زي ماقريتها بالمنتدى اللهم اختلاف بسيط
الاكل لاحظت بالمطاعم العربيه استغلال للزبون الخليجي وزياده السعر عليه
ادري قرقرت واجد لكن هذا اللي اذكره حاليا
والسفره كلفتنا 24 الف مع كله كله فنادق وتذاكر واكل وكل شي رحلتنا كانت اقتصاديه شوي ورجعنا بمبلغ بسيط رغم اننا اشترينا هدايا
في باريس فتدق نجمتين اسمه هوبوتيل وكان في الزون 3 وسعره رخيص بس مره ضيق
في فيينا فندق كافالير 4 نجوم مع الافطار وفندق جميل
في سالزبرغ هوليدي ان 4نجوم مع الافطار قريب من محطه القطارات نروح مشي
في زلامسي نيوبوست 4 نجوم
واللسفر عن طريق الخطوط التركيه قيمه التذاكر 4600 لشخصين
اللي عنده اي استفسار انا حاضره باللي اقدر عليه