السلام عليكم ورحمة اللة
أولا: أحب أشكر الجميع على إفادتي في عدة مواضيع بخصوص الفيزا الأميريكية
اليوم كانت مقابلتي انا وزوجتي في القنصلية بالظهران
طبعاً أبشركم موافقة وأخذو الجوازات
أول شئ أنصح كل واحد بيروح لايروح بدري - بالنسبة للظهران - يعني كل واحد يروح قبل موعده
بنصف ساعة ...يعني اللي موعده 8 ماراح يدخل الا 7 ونص وهكذا
المهم الإجراءات الأمنية المعتادة خلي كل شئ في السيارة لاجوال ولاشئ غير أوراقك
التنظيم ممتاز
بعد مادخلنا الصالة اخذنا رقم وانتظرنا اذا جا الرقم اول مرة تروح يشيكون على الاوراق
وياخذو الاوراق المهم فقط يعني اخذت مني الفور 156 و 157 وايصال الرسوم وتعريف العمل فقط ورجعتلي الباقي
وبعدين انتظرنا الين ماينادو عليك مرة ثانية تروح وتبصم
وبعدين تنتظر الين موعد المقابلة
المقابلة كانت جيدة كلها كم سؤال ..وين بتروح وايش ناوي تسوي هناك ...وطلب جوازي القديم
وأعطيته اياه
بعدين طلع ورقة صفرا قعد يكتب عليها بالاحمر ...انا بصراحة خفت
لكن في الاخير قلي كل شئ تمام وهذي عناوين مطاعم جيدة راح تعجبك اذا رحت واشنطن
بصراحة تعامل كان جدا راقي واحترام اقصى حد
والحمد لله اخذو الجوازات وقلي ودي الايصالاات مكتب الفيدكس
وبكذا خلصنا
رحنا 7 صباحا وموعدي كان 8 صباحا و9 ونص واحنا برة القنصلية
أما عن الخلطة السرية اللي تخلي الموافقة تجيك بعد توفيق الله
1- خلي أوراقك كاملة ومرتبة ومجهزة (ترا مرة ينبسطون عليك) وبعض الناس الله يهديهم جاي كأنة مدري وين رايح مايدري عن شئ وملخبط الدنيا
2- خليك ريلاكس واتكلم انجليزي افضل وابتسم وخليك كول ولاتعصب او تتنرفز او تعلي صوتك
3-لبسك وشكلك (لان هم يبغون يشوفون الشخص اللي بيروح على امريكا) وبصراحة شفت اليوم واحد كان منظره للاسف سئ وكان قبلي وعطوه كرت أحمر
على فكرة كشف الحساب ماطلبوه مني أساساً هناك لكن لازم تجيبه احتياط هو والجوازات القديمة
وبالتوفيق لكم جميعاً يارب .......