منتدى مصر
18-11-2022 - 10:44 am
السلام عليكم جميعا ...من متابعتى للمنتدى ...شفت ان فية ناس كتير بتساعد بعضها وبتنور الطريق لغيرهم.......ربنا يكرمكم ........كان لى بس طلب صغير وعايز مساعدة اى حد لو ينفع يعنى....وهو.....ان شهر العسل بتاعى هيبتدى ان شاءالله يوم 23/12 ....فكنت عايز برنامج لمدة اسبوع فى الجونة وشرم ...؟ ولا احسن اروح الجونة بس ؟ ولو ضيفنا شرم ..... اتنقل بينهم ازاى ؟؟ واقعد فين فى الجونة ...شقة ولا اوتيل؟ واية الانشطة اللى ممكن تتعمل هناك ..؟ واحجز مع نفسى ولا عن طريق شركات سياحة ..؟ وش كرا جزيلا ..مقدما............
في فصل الشتاء مش هتقدرو تعملوا نشاطات كثيرة في شرم لأن غالبية الأنشطة بحرية
ممكن تركبوا القارب الزجاجي لرؤية الشعاب المرجانية والأسماك الملونة العجيبة
كذلك رحلة بالدبابات في الصحراء لا انصح بالعشاء البدوي في ذلك الوقت بسبب برودة الجو بالليل
سهرة في ألف ليلة وليلة مع العشاء في المطعم المغربي وحضور عرض الصوت والضوء ثم الجلوس في المقاهي الموجودة بالساحة لمشاهدة عرض الفنون الشعبية
زيارة للسوهو سكوير فيه مقهى الثلج صالة التزلج والنافورة الراقصة والسينما البانورامية
التجول في شان اليزي شرم بخليج نعمة والجلوس في أحد المقاهي الموجودة هناك
جولة في السوق القديمة وزيارة لمطعم فارس للمأكولات البحرية أو مطعم المصريين مشويات وأطباق مصرية
أنصحكم بالسكن في فندق الماريوت بيتش أو الموفنبيك أو الماريتيم جولي فيل وهم في خليج نعمة قلب شرم النابض
الجونة قرية في الغردقة برأيي تنفع في الصيف ولو تفضلها على شرم ممكن تسكنوا في شيراتون ميرامار ريسورت أو الموفنبيك ريسورت أند سبا
ونفس النشاطات اللي نصحتك بها في شرم موجودة بالجونة
والحجز في أي مدينة يكون عن طريق الفندق أو المكاتب السياحية المنتشرة في خليج نعمة في شرم أو المارينا بالجونة
التنقل بين شرم والجونة يكون بتاكسي بين الغردقة والجونة ثم بالعبارة السريعة بين شرم والغردقة
لو قررتم القاهرة أنصحكم بالسكن في الفور سيزون النيل بلازا أو كمبينسكي النيل ولو تحب ممكن أعمل لك جدول لمدة اقامتك بالقاهرة بس حدد عدد الأيام
اتمنى لك حياة سعيدة وألف مبروك مقدماً