الحمدلله ع السلامه حمودي حلاوه لو صارت لي ذا المواقف مارحت وتقريرك هذا اكثر شي تعبنا لك اسبوعين ننتظرك عسى ماشر
تحياتي

اخوي العاطل يعطيك العافيه والله يسلمك بس اعذرني ظروف العمل وظروف كأس العالم مالك بالطويله ماشفت شي توك على الكسافه بس الحمد لله مشت الامور ...
اخوي العاطل او اي احد من الاعضاء او حتى ابوطلال بالنسبه لرفع الصور...طبعا انا رفعت او حملت تقريبا 7 صور قلت ابجرب حظي بس المشكله اذا صرت فاتح على موضوعي كيف اسوي نسخ للصوره من الالبوم حقي حتى اسوي له لصف في موضوعي لاني اذا رحت للمجموعات راح الموضوع كله يعني لو تكرمت شرح بسيط ...ويعد طريقه تحميل الصور الباقيه على البومي الي حملت فيه 7 صور ادري اني غثيثه بس تحملوني ...
يعطيك العافيه

الحمدالله على السلامة !!!
بس مشاءالله عليك اخرت رحلتك وكانت الضريبة 900رس
وسبب التأخير الشخص الذي سوف يستقبلك؟!!
مع العلم حمودي حمادة انت سبق ان ذهبت الفلبين
ننتظرك يا مبدع
تفضل هنا https://artravelers.com/p/re/316008
رجنت

ابو طلال حياك يامشرفنا العزيز صحيح كلامك صحيح اخرت الرحله وكانت الظريبه 900 رس بس حط في بالك تراني وحداني لمده عشر ايام عشان كذا صارت الضريبه 900 رس .....وتراني اخاف لا صرت لحالي ههه...
يعطيك العافيه اخوي ابوطلال
اخوك حمودي حماده ...........سكر زياده

الحمد لله على السلامه
وننتظر التقرير ياسكر ولكن بزيادة

الف حمدالله على سلامتك ..... سجلني متابع لتقريرك لحظه بلحظه ....
وصدق اخوي العاطل والله لو ذي المواقف صارت كان خيرت وجلست ...........

1. هذي صورة ثانيه بداخل الطياره

عودتي سريعه ...شفت نفسي فاضي قلت لاتحرق اعصابهم ....نكمل ماتبقى من الجزء الاول طبعا وين وصلنا كانت الحراره اتش وحمودي الرز طالع مع اذانه من الرومانسيه ودرجة الحراره 50 والسياره كانت مفوره ...فلت يالربع خلوني اخذ تكسي واتنم بسلامتكم قالو لي لا لازم نودعك بالمطار ...وقفنا على جنب وصاحب السياره عارف الوضع واخذ معاه جيك ماء والله ونعبي ونبرد حتى نزلت الحراره والساعه 2 ونصف وبعدها على المطار وعلى المواقف التحتيه ...طبعا طلعنا باللفت وحسيت ان ام الركب جت لاني وحداني واذا صرت وحداني تجي ام الركب لحد ما اركب الطياره لاني ماني مصدق اني راح ازور الورده مره ثانيه طبعا رحنا وزنت العفش واتجهت لاقص البوردنق وش لقيت ياناس فرق ملاحظه (موضفين الخطوط السعوديه غايه في سوء التعامل والتجريح والي اردى منهم مشرفهم ...لايوجد الا القله منهم من يحترم ويقدر المسافر ) لفت نظري موقف لن انساه بعدها اتوقع اتنهى مشواري مع الخطوط السعوديه كانت توجد رحله الى القاهره وبعض الركاب معهم عوائلهم واطفال وعفش كان المسافر المصري يقول هذي اوراقي قبل ماتقفل الرحله والموضف يرفع صوته ويرفع ايده بوجه المسافر وانا اسمع نداء القاهره لحد الحين ماقفلت حتى المسافر يقول ياعمي انا دكتور محترم وصحيح كان الدكتور يتكلم يكل احترام بس الموظف سوء في التعامل والي اسوءا منهم المشرف قال للمسافر اذا مااعجب الباب يفوت جمل انا احزنني الموقف هذا وبعدها اتوقع انتهى مشواري مع الخطوط السعوديه ...لكن لم تنتهي الكسافه بعد وراك مانيلا و13 ساعه من السفر ...طبعا قصيت البوردنق وقلت للموظف شف لي مقعد عند مخرج الطوارئ طبعا انا اخذت البوردنق وبعدها طلعنا على الكوفي شوب واخذنا لنا احلى قهوه ايطاليه وسملت على ربعي وحمودي مايشوف الا منطقه الجوازات والتختيم ...بعد مادخلت البوابات رحت وصليت العصر وجلست اخذ لي برمه على البوابات وبعض الصور ....
وهذي صوره ثانيه من جهة اخرى
طبعا جاء موعد السفر وانا انتظر على احر من الجمر طبعا انتم عارفين ان الرحله مو دايركت من الرياض على جده مسكنا سرى في الخرطوم الي يوديك للطياره وطبعا الطياره من نوع 747
طبعا انا شفت البويه وقلت ياساتر وش الطيارات الجديده هذي اكيد الي اعلن عنها الملحم قبل فتره هذي احدى الطيارات الجديده ...طبعا راح احط لكم صورته ....
وهذي صور الطياره الي يويته جديده
المهم مالكم بالطويله ومسكت سرى لحد ما ربصت من الحر والرطوبه انا اسأل روحي وش السالفه ماسكين سرى في الخرطوم كلها ياخذ الورقه ويعلمك وين مكانك وكيد كل المسافرين يعرفون الطريق ( وانا اولهم
) المهم يوم وصلت باب الطياره كان رقم الجلوس 84 انا رحت لاخر الطياره وادور المكان وادور مالقيت اي شي واروح اسأل وين المقعد حقي قالو لي قوق بالدور الثاني قلت ياساتر اول مره عساني اتحمل الطياره وشلون راح اتحمل ولا بعد في الدور الثاني وبعدين كذا عرفت من الي يخليهم يمسكون سرى بالخرطوم الي داخل على الطياره الي هو انا والي مثلي
بعدها جلست في مقعدي طبعا كان قدام باب الطوارئ والصراحه فله الفله والوناسه ومدد رجلينك وانتم بكرامه بس طبعا جلسنا لمده نصف ساعه ماادري وش ننتظر كل الركاب يشتكون من الحرر والرطوبه مع انه مشغلين المكيف بس الطياره اكتشفت انها امريكيه ما يبرد المكيف الا لا طارت بالسماء
اقلعنا الى جده وطبعا كل طاقم الطياره من الجنسيه الفلبينيه والكاتبن بريطاني والمساعد سوري انا ما ادري وش الي جمعهم ....
هذي صور في داخل الطياره الي والله كسافه بكسافه

هذي صورة ثانيه بداخل الطياره

اقلعت الطياره والركاب الي يهاوش والي يشتكي والي موعاجبه الوضع ويوم مسكنا الطريق بدى يبرد المكيف انا طبعا اول ماقعت عيني على الشاشه الي بالمقعد حقي قلت وراي 13 ساعه مو ساعه او ساعتين طبعا استفسرت من المظيفه قالت اول ماتقلع على مانيلا راح يشتغل عندك 8 قنوات راح تقضي وقتك وتفله احلى وناسه وانا اجيك افل كشرتي مترين من الوناسه ...طبعا هبطنا في جده وكان الوقت على المغرب نزلو الركات وننتظر لنا ساعه ويجون ركاب ثانيين طبعا مافيه الا انا سعودي والباقين كلهم من الجنسيه الفلبينيه ويتغير طاقم الطياره كلهم طبعا الكابتن تغير بس نفس الجنسيه بريطاني او امريكي والمساعد يتكلم عربي بس ما ادري من اي جنسيه .طبعا انتم فاكرين ان مكاني عند باب الطورائ جت بنتين فلبينيات من المسلمين طبعا اعمارهم صغيره تقريبا 17 او 15 وبعد كذا جت زميلتهم الثالثه تدور على مكان جنبهم وانا الي اصكه حوله قالت لي الله يجزاك خير ممكن تروح لمكاني لان مكانها بين رجلين قدام طبعا بوسط الظيق قلت مادامها قالت جزاك الله خير يالله استانسي بالرحله وانا ابنحجر هناك ..الي لفت نظري موقف حصل مع احدى المضيفات انا اسألها عن مكان اصلي فيه المغرب طبعا اتكلم معها انجليزي طبعا من اول ما جت في جده قالت خلينا نقلع وبعده يحله ربك ..اقلعنا وقدمو الوجبات وانا لابغيت شي اتكلم معها بالانجليزي بعد ماطفو الانوار طلبت المضيفه وقلت دخلت صلاة العشاء وانا ماصليت المغرب سألتني انت تتكلم عربي قلت افى وانا لي ساعتين وانا اعصر مخي واجمع كلمات واخري شي تطلع تونسيه قلت جابك الله دوري لي مكان اصلي فيه قالت الطياره هذي طياره تركيه مستأجره ولا فيها مكان للصلاه قلت وبعدين انا وش اسوي ..الصراحه ماقصرت معي المضيفه ودبرت لي سجاده وقالت مافيه الا تصلي وانت في مكانك او تصلي بالمطبخ حقنا قلت يالله من الشكوى لك مافيه الا المطبخ ....وبعد الصلاه الصراحه ارتحت نفسيا قلت يالله على القنوات الي تقول المظيفه الاولى وادور وابحث مافيه الا قناه وحده الي هي تبين المسافه وتبين وانت وين وجهت القلبه ...قلت افى وين وين الي تقول عندك اكثر من 5 قنوات بدى الممل وحتى انا قلت لكم جلست بين رجلين من الجنسيه الفلبينيه وكلهم الي عنده حساسيه ويعاطس بوجهي والثاني يطلع اصوات من خشمه وافمه الصراحه قرفت حتى انا على نياتي كل ماعطس قلت يرحمكم الله وهو يناظرن ويظحك واخر شي صارت انتقل العطاس عندي مالي الا اتغطى بالبطانيه من راسي الى ساسي ....طبعا بديت تبين لي حدود الورده واشوف الخضار والاجواء الي ترد الرووح بس كل ماالتفت على الدريشه الا يعطيني عطسه قلت مابدهاش لا تصير مشفوح راس مالك ان شاء الله نازل من الطياره طبعا الصور والله ماصورت لحظه الهبوط قلت اذا سألوني اقول عساني اتحمل عطاس الي جنبي لمده 9 ساعات راح تغذروني ...طبعا يوم اعلنو الهبوط ..بعدها اعلن مره ثانيه ان المطار زحمه وراح ننتظر لمده 15 دقيقه الصراحه تكفي عن الرحله كلها اخذ بنا لفت فوق البحر الي قدام sm موول الصرااحه منظر حبيت اني اصورره بس ان شاء الله القادم احلى ...وبعد ربع ساعه هبطنا في الورده ماشاء الله حتى تووه واقف المطر يالله تزيد وتبارك ....
نقف عند هذا الحد وراح نكمل في الحلقات القادمه وانتظرو بدايه الكسافه الصحيحه ...اعلان اسم حمودي حماده في مطار مانيلا بالميكرفون ...ومزيد من المغامرات الشيقه ....
اخوكم حمودي حماده ..........سكر زياده

ههه في انتظار البقيه
تحياتي

الله يستر منادين عليك في مطار مانيلا لو انا كان اغمي علي ههه
في انتظار بقية تقريرك ...............