انا ابدا ابدا ابدا ما انصحك بمعهد جامعة والي نصحك فيه ما ادري ليش قالك كذا
معهد الجامعة اذكر مرة سألت الاستاذة عن كلمة مو فاهمتها.. قالي انتي جاية هنا تتعلمي تكتبي اكاديمي منتي جاية ندرسك انجليزي
المعهد الجامعي مايدرس لغة بتاتاً .. المعهد الجامعي يعلمك كيف تكتب بحث.. يعلمك كيف تكتب تقرير.. يعلمك كيف تسوي برزنتيشن.. يعلمك كيفة استعمال المصادر
لكن اذا تبي تتعلم انجليزي خلك على المعهد الي تقول عنه "التجاري".. وبعدين ترى كلمة تجاري اطلقوها السعوديين على المعاهد كلها ونسوا ان حتى الجامعات البريطانية تجارية.. الي اقصده كل المعاهد نفس النظام ونفس الفكرة حتى بالسعودية.. ادفع قيمة الكورس وهاك الكتاب وتعال نعلمك وهمهم ان الصف فيه مجموعة معينة من الطلاب تزيد ولكن لاتقل عن الحد الي هم حاطينه في بالهم عشان يفتحون الصف
يعني شئنا ام أبينا هذا بزنز وتجارة ومافيها شي هي الدنيا كذا مصالح..
المعاهد تختلف من حيث الاسعار ولكن شخصياً ما اشوف فرق شاسع في التعليم ولكن في بعضهم راح تلقى طلاب تمدحهم اكثر من البعض الأخر .. لأن في معاهد سيئة ولكن لايوجد معاهد ممتازة جداً راح تلقى معاهد كويسة ان شاء الله والجهد الاكبر في تعلم اللغة راح يكون عليك
وبالتوفيق

صح نسيت اقولك.. انا زميلي له سنة يدرس في معهد عادي وقبل شهر طلب صار له ظرف وطلب مني اساعده في معهد جامعي للأنه خلاص يبغى يتأهل للجامعة فراسلت ويستمنستر ما ادري اذا عندهم صيفي لو لا بس هم قالولي يبون اختبار تحديد مستوى ايلس.. على فكرة الجامعة مليانة خليجين لأنه بنص لندن
اذا بتدرس اقل من ست شهور ماتطلع فيزة طالب.. يمكن سائح طالب مدري يبيلك تتأكد بس الأكيد انها مش طالب
المعهد ايوة يوفر سكن ويغيره لك اذا ماعجبك.. والتواصل كله بالايميل

وعليكم السلام ورحمة الله وبركاته
بعض الطلبة يفضلوا الدراسة اللغة فى الجامعات بعد دراستهم فى المعاهد وذلك لانهم بهذه الطريقة يضمنوا مكان لتخصصهم ولكن انصحك بان تبدائ بالمعهد لان الدراسة فى الجامعة جادة وكذلك المدرسين كما ذكرت الاخت ميمي.
اما الفيزا فاذا حصلتي على السياحة فهذا افضلك لانك سوف توفري الكثير فى التكاليف وانا عن نفسي من بريطانيا ومقر عملي يبعد عن جامعة وستمنستر بعشر دقائق والجامعة ليست كما تتصورين.
وجزاك الله خير