السلام عليكم ورحمة الله وبركاته
كيف الحال أخواني وأخواتي؟ إن شاء الله جميعكم بكل خير وعافيه
جايبلكم ياشباب معلومه ممكن تفيد اللي مسافرين على الخطوط السيرلانكية وخصوصا العرسان
وطبعا هذا شيء لايذكر من رد الجميل لهذا المنتدى الرائع اللي ساعدني بشكل كبيرا جدا جدا في التجهيز لشهر العسل في ماليزيا في الصيفية بإذن الله
المعلومه ياشباب هي أفضل المقاعد في الطائرات السيرلانكيه بالنسبة للدرجة السياحية.
عادة الطائرات المسافره سواء من جدة أو الرياض أو الدمام والمتجهة إلى كولومبو هي من نوع airbus 330 وأفضل مقاعد في هذي الطائرة هي إما 12A و 12C أو المقعدين 12H و 12K.
وبعد كذا راح تتغير نوعية الطياره في الرحلة من كولومبو إلى كوالالمبور وهي الطائره airbus 340 و أفضل مقعدين في هذي الطائرة هما 14A و 14C أو المقعدين 14H و 14K.
ميزة هذي المقاعد أنها موجودة في كبينه صغيره منفصله خلف كبينه درجة رجال الاعمال, وهذي الكبينة الصغيره فيها من 21 إلى 28 مقعد فقط عشان كذا ح تكون كبينه هادئه نسبيا.
وأيضا هذي المقاعد في آخر الصف بحيث أنك ممكن ترجع ظهر الكرسي للخلف بدون ما يكون في أحد خلفك يتضايق من ظهر الكرسي.
وتقدر تروح لأي مكتب من مكاتب الخطوط السيرلانكيه وتحجز المقاعد اللي تريدها من الآن, أنا رحلتي بإذن الله يوم 10 july و حجزت الكراسي اللي أبغاها أمس الصباح
وتقدروا تشوفو نوعية الطيارات وتقسيم المقاع ول المعلومات من هذا الرابط التابع للخطوط السيرلانكية http://www.srilankan.aero/aboutus/fleet.shtml
شوف نوعية الطياره اللي تبغى تستفسر عنها وأضغط على كلمة view seat map
أتمنى إني أفدتكم بشي
دمتم بخير