في سنة2010
حجزنا على الاماراتية والترانزيت 6ساعات او اكثر
قلما لهم تعطونا فندق قالوا لا هالنظام ملغي ...
بس بعدين لقينا حجز اقرب لمدة ترانزيت اقل
امس عندنا حماي رجع من لندن وتاخرت الطيارة من لندن ويوم وصلوا الامارات
كانت الطيارة اللي بتجيبهم الكويت الفجر طارت عنهم
فعطوهم فندق لحد موعد سفرتهم اللي صارت الساعه اربع العصر
من تجاربنا حبيت اضيفها

يا هلا ام يوسف
اذاكانت فترة التوقف (8) ساعات واكثر بالنظام تستحقين فندق تاكسي ووجبة مجانا.
انا ما دريت عن هذا الموضوع الا من قريب مع ان اغلب سفراتي على الامارتية علمني زميل
وعلى طول اتصلت على مكتب الامارتية بالرقم المجاني واكدوا لي ذلك وحتى استغرب
واخذ المعلومات كاملة ومن وين كان الحجز وليش ما تم تبليغك بذلك والكلام هذا بعد رجعتي
من اخر سفرة هذه السنة بشهر (3) لان فترة التوقف كانت (12) ساعة وطلعت دبي واستأجرت
على حسابي وما كنت داري ، بس لازم فترة التوقف "ترانزيت" (8) ساعات واكثر.
عودا حميدا لقريبك.
وصدقيني ان بعض الموظفين يجتهد من نفسة وما هو فاهم النظام وهذه مشكلة كبيرة .
اشكرك يام يوسف ،والف شكر لطرح تجربتك هنا .
مرور عطر .*

نفس الشي بطيران الإتحاد و القطرية... و انا كنت احسب انه كرم منهم !! طلع الموضوع فيه اتفاقية دولية ما اذكر اسمها ( مونتريال او جينيف ) او احتمال تكون ضمن الاتفاقيات الخاصة بالأياتا.
ما اذكر شي بخصوص الفطور و لكن على حسب ما اذكر إذا كان التوقف اكثر من 8 ساعات و اقل من 24 ساعة يحق للراكب سكن و مواصلات من و إلى السكن. المسافرين إلي يتطلب حصولهم على فيزة, تصدر لهم فيزة ترانزيت.
للأسف الشديد, دول كثير لا تلتزم بالإتفاقيات هذي و شكراً على الطرح

يا هلا اخ "corleone"
اشكرك على مرورك الرائع والتوضيح التفصيلي.
تحياتي .*

طيران الاماراتية احلى ماعندهم مبناهم رقم 3 بمطار دبي مبنى روعة وماودك تطلع منه
مشكور اخوي خالد على الموضوع

للأسف
هذا النظام لا ينطبق إلا على بعض التذاكر
هناك عض التذاكر المخفضة لا ينطبق عليها
مرة كان انتظاري 12 ساعة ولما استفسرت منهم قالوا لي درجة السعر اللي انت ماخذ عليها التذاكر ما لك فندق

ياهلا اخ Usas
فعلا الصالة رقم (3) مبنى حديث ومرتب وخاصة الحديقة الصغيرة بالمنتصف
اشكرك على المرور اخوي.

تحية طيبة الاخ "zaman99s"
هذه معلومة جديدة ،كيف تذاكر مخفضة وكيف احصل عليها، وهل تقصداميال سكاي واردز.
مرور كريم واضافة جديدة ، ننتظر منك التوضيح.
تحياتي.

ما قصرت اخوي خالد
مره علي طيران الخليج وفتره توقف طويله بابوظبي ما قصروا نزلونا
المشكله تكمن أن البعض يرفض من الشركات بس كيف تقاضيهم في هذه الحاله
شكرا للموضوع