السلام عليكم اخواني ...
بحاول قد ماقدر اوضح لكم وبختصار
1- عند الوصول لمطار بريسبن راح يطلبون منك ورقة الاسئله طبعا (يمكن انكم تطلبون الورقه بالغة العربيه في الطائره او تجدونها قبل مايشيكون الجواز على طاوله صغيره فالزاويه)
2_ كل انواع الطعام مقبوله ماعدا الاكل الطازج(الفرش)والحومات الحيوانيه ومشتقاتها مثل الاجبان وغيرها
لكن يجب ان يكون الطعام معلب وعليه تاريخ صلاحيه وانتهاء باللغه الانجليزيه
اما بالنسبه للاكترونيات واللابتوب اذا سالوكم عنها قولو استعمال شخصي (ضرائب استراليا لاتفرض عالاستعمال الشخصي)self use
3- التنقل في استراليا يكون بالباصات والقطارات اما فكرة استاجار سياره فهي مش مهمه الا اذا كان الشخص وده يعتمد على نفسه ويدور.
4-دائما وفي كل مكان فستراليا يوجد الانفورميشن ديسك(information disk) وهو مكتب صغير يقدم كل المساعدات للمستفسرين (سكن,رحلات,هواتف,الارشاد لمكان معين واي شي يخطر في بالك) دائما موجود في قلب الحدث على فكره المكتب يسكر بسرعه مثلا في جولد كوست الساعه 5 يسكر
5-بطاقات التلفون المدفوع مقدما موجوده وهناك اكثر من شركه كفودافون او اوبتيس او حتى تلسترا , هذي البطاقات قيمتها لا تتجاوز 30 دولار مع تعبئه مجانيه اول ماتشتريها بقيمة 30 دولار ايضا , لكن بالفعل هناك عروض قويه عند تعبئة البطاقه 79 دولار او 49 دولار , والي مايبا يعور راسه بهالسوالف ياخذله بطايق تباع في محلات سفن اليفن (7.11)اسمهاday break للاستعمال الدولي مكالمتها ارخص باضعاف من التعبئه العاديه للفودافون اما تعبئة فودافون فهي رخيصه للمكالمات المحليه فقط.
6- بالنسبه لبطاقات البنوك (فيزا والماستر والامريكان اكسبريس فهي تمشي في كل مكان فستراليا حتى في اصغر المحلات ولكن من الاحتياط اخذ مبلغ نقدي معين (عسب ماتوهق بعدين)
7-بطايق الباصات تحصلونها في محلات سفن الفن المذكوره اعلاه اوحتى فالباص نفسه بس لازم يكون عندكم خرده ولا بيقولكم سائق الباص get out (في بطايق باص اسبوعيه ارخص بكثير من البطايق اليوميه اذا كانت طلعاتكم كثيره)
8-اما الجو فهو في غاية الروعه نهار واحيانا كثيره مشمس ولكن اليل بارد (تصل درجات الحراره الى 9 احيانا )
9-بالنسبه للمعاقين لهم اهميه كبيره فستراليا وغالبا لا يخلو مكان الا وفيه احتياجاتهم
10-افضل سكن للسواح بدون كلام في جولد كوست هو الي يكون في السرفيس او قريب منها لانه الشغل كله هناك
واذا سكنتو في مكان ابعد صدقوني كل يوم بتطرون تسيرون السيرفس لانه بختصار المكان الافضل
11- اسعار التكاسي مرتفع نسبيا في جولد كوست الباصات ارخص بوايد (لحد يفكر يسير بريسبن في تاكسي )لين يومك ماسمعت في حد سواها...السعر بيكون فوق 200 دولار مع ان القطار يكلف 14 روحه ورده return
هذا الي عندي اليوم وانشالله احطلكم معلومات اكثر المره اليايه (هذا كله عشانك يافتى الشرقيه,تعبتني اليوم ههه )
اخواني انا اتكلم بصفه خاصه عن الجولد وانشالله نشوفكم هنيه
تحياتي
رونالدو