السلام عليكم
الطيران :
انصحكم بالخطوط السعوديه الى تركيا ومن ثم بالخطوط التركيه الى سراييفو لان سعر التذاكر بيكون رخيص وهذا يعتمد على وقت الحجز ( كل ما كان قبل السفر بفتره طويله كل ما كان افضل والرخص )
او تكون الرحله كامله على الخطوط التركيه
الترانزيت :
انصحكم ان يكون فتره طويله لا تقل عن 15 الى 24 ساعه لطواري
وانصح بالسكن في السلطان احمد والتنزه في هذي المنطقه الجميله والسكن في رينتال هاوس هوتيل عباره عن غرف صغيره ونظيفه وجميله والاجمل سعره 40 يورو
وبخصوص الاخوان اللي عندهم عفش كثير يوجد في مطار اتاتورك محل اسمه امانات برسوم رمزيه ( يعني اترك اغراضك وشناطك في الامانات وروح ارتاح وتمشى لحد ما يجي موعد طيارتك )
الفنادق :
سعر الفنادق ثابت في البوسنه والحجز عن طريق الفندق مباشره ارخص من بوكننق او يعادل نفس السعر احياناً وكل فندق له سعره الخاص فيه ( يعني ما عندهم نزلي شويه في السعر )
افضل الفنادق :
سراييفو :
انصحكم بالاقامه في هوليوود سعره مناسب ونظيف وموقعه جميل جداً
فندق هيكو موقعه جيد ولكن لا انصح فيه خصوصاً للعوائل واللي عندهم شنط كبيره وثقيله
يايتسا :
انصحكم بفندق موتيل الصغير والجميل والرخيص
لا انصح بالفندق المجاور له لانه اغلى والغرف ليست بنفس مستوى فندق موتيل
كونتس ويبلانتسا وموستار :
لا انصح بالاقامه فيها
اما اذا كنت تريد البقاء فيها انصحكم بفندق قاردن ستي كونتس
فلاشيتش:
فندق بلانكا ايضاً الفنادق المجاوره له
بيهاتش:
فندق كوستلا
المطاعم :
العيوب : رائحة الاكل داخل المطاعم سيئه وهذا شي لا يتقبله اغلب الخليجيين
المميزات : طازج في اغلب الاماكن بالاضافه الى رخص الوجبات
بالنسبه للمشروبات الغازيه او الطازجه او الساخنه او المياه الصحيه شراؤها من خارج الفندق ارخص بكثير من الفندق حيث ان سعر الفندق يكون ثلاثه اضعاف
اسعار الصرف :
في الغالب السعر واحد في كل مكان سواء المطار او البنوك او محلات الصرافه ربما يوجد بعض الاحيان فرق بسيط لا يذكر
اما الفندق فلا انصح بصرف العمله منه لان الفرق من متوسط الى كبير
ايجار السيارات :
ايجار السياره افضل وارخص واكثر خصوصيه من السائق او المرشد السياحي لان ايجار سياره لمدة اسبوع كامل يساوي اجرة سائق ليوم واحد
طلبات ايجار السياره :
الرخصه السعوديه الجديده المترجمه + صورة جواز السفر
والدفع يكون كاش وتدفع كامل المبلغ مقدماً او بالفيزا
والتأمين شامل ولا تتحمل اي مبلغ في حال حدوث اي حادث سواء صغير او كبير
سعر الايجار للسيارات الصغيره في الغالب لا يتجاوز 60 مارك
الجو في البوسنه :
2- 1 - 2 - 3 موسم ثلوج
4 - 5- 6 موسم الربيع
7- 8- 9 موسم الصيف
0- 11 - وجزء من 12 موسم الخريف
الاحداثيات الصحيحه للاماكن السياحيه والفنادق :
سوف يتم اضافتها خلال اليومين القادمه
تحياتي للجميع وللحديث بقيه