السلام عليكم اخواتي واخواني
انا رحت لكوانزو تاريخ 6 -7-2010
المهم اول مرة اروح لكوانزو بالصين من كثر ما سمعت بالمنتدى يمدحوها فقررنا نروح
وكان انا وزوجي وولدي بعمر سنة
وكانت رحلتنا تهدف السياحة والتسوق بنفس الوقت
بس ما انصح شهر 6 و7 و8 حد يروح لهذيك البلاد لان حر اولا وصعب التعامل معهم والاكل زفت الا عاد المطاعم العربية بس كانو شوي بعيد عنا مثل تكون وجبتنا ب 60 درهم بس التوصيل للفندق 150 درهم ضعف الوجبة
وانا كان صعب علي اروح للمطاعم لان ولدي الله يهدية يخرب كل شي ههه وما يجلس ابدا الا يخرب المكان ويسوي ربشة
المهم المميز في كوازو التسوق فقط وفي اماكن بس ما مثل ماليزيا وتايلند طبعا
وانصح اي احد لا ياخذ اطفاله واولادة ابدا ..لان راح يتبهذلوا وايد
اسواقهم المراكز غالية جدا جدا
بس الاسواق العامة شوي ارخص وخاصة اذا عرفوا انك من بلد ثاني يزيدوا السعر
وطبعا ما في امان وايد عندهم منتشر العملة المزورة حتى اذا دخلت سلكت او تكسي يتاكدوا من العملة ..ولازم تتحذر من السرقات..انا حتى التكسي احفظ رقمة بدون زوجي لا يعرف لابد من الحذر
المهم حبيت انبهكم
هيا بلاد حلوة تجاريا فقط
ونحن سكنا بفندق الجاردن بصراحة روعة وفي الوسط المنطقة كل شي قريب عليك
وكثير عرب فية
وتحس بامان فية حتى اذا تطلع اللفت لازن تحط بطاقة الغرفة عشان تطلع ومو اي حد يقدر يطلع عندك الغرفة لازم باذن من الرسيبشن تحت
اما تعاملهم ما اوكي في المطار حتى ماي ولدي اخذوة في التفتيش ووايد خذوا من شنطتى ماي ولدي وحليبة
مشددين وايد
وانصح اذا عندكم وزن بالشنط راح يدفعوك وايد