السلام عليكم ورحمة الله وبركاته
اخواني واخواتي الاعزاء
انا اول مرة ب أسافر للفلبين بعد 20 يوم تقريبا أبي اجيب لاعب بلياردو محترف لان عندي نادي بلياردو وابيه يستلمه تدريب ولعب مع الشباب
الفيزا اللي معي فيزة سائق خاص فما ادري انا اخذ الفيزا معي واروح لمكاتبهم هناك دايركت والا لازم امر مكتب استقدام بالسعودية اول؟ اللي عنده خلفية عن الموضوع يرد بالله
وعندي اسئلة اخرى اتمنى اني القى اجابتها عندكم
1- سمعت ان الريال يساوي 13 بيسو .... وش الافضل اخذ معي ريال والا يورو والا دولار؟ بالصرف اقصد ايهم احسن؟ والا ماتفرق؟
2- انا طالع من الرياض لجاكرتا ومنها لمانيلا .... اللي عمره سمع او جرب وش اخذ خطوط من جاكرتا لمانيلا وكم مدة المسافة بالطيارة؟
3- احجز من مطار مانيلا والا عن طريق النت والا اذهب مباشرة للفندق؟
4- الانتركوننتيننتل ... سمعت انه ممتاز وكأني قريت انه 4 نجوم! صحيح؟
5- وش رايكم ب سومرسيت سولسيدو؟
6- اللي يعرف صالات بلياردو متخصصة باللعبة بالله يعطيني عناوينها .
7- سمعنا ان الفلبين امان وسمعنا عن الاجرام فيها وتحيرنا ..... للي يقولون ان فيها الجريمة منتشرة وش الاماكن اللي تنصحونا مانقرب لها؟
8- وش مكاتب الاستقدام في مانيلا اللي ينوثق فيها؟ بالله اسامي وعناوين ع الاقل الشارع والحي .
9- اللي عرفته من خلال هالمنتدى انه مايحتاج تأشيرة دخول للفلبين بالنسبة لنا للي يبي 21 يوم او اقل وانا جلستي كلها 10 ايام ان شاء الله .... تفرق لو اجي عن طريق اندونيسيا؟ احتاج تأشيرة دخول للفلبين؟
هذا كل شي للان والسلام ،،،