غلا المنامة
06-04-2022 - 08:12 pm
السلام عليكم...
ادري اسألتي كثيرة و ادري بعد انكم ما بتقصرون...
بانسبة لسلانجور...لو باخصص يوم الاثنين للملاهي المائية يعني شكثر يبي لها وقت 3 او 4 ساعات؟ يعني اقدر اسوي مشوار ثاني مثلا للملاهي في نفس اليوم او يبي لها يوم لحالها؟
بحيرة بوتراجايا شكثر تبعد عن سن وي ريسورت (الفندق)؟ و شنو فيها نشاطات؟ وهل هي تختلف عن بحيرة ماينز وندر لاند؟
ماينز وندر لاند شكثر يبعد عن سن وي الفندق و شنو فيها هناك؟
شنو هي مدينة الاضواء؟؟؟
و شلالات تمبلر شكثر تبعد عن الفندق و هل تستحق الزيارة او لا؟ خصوصا اني حاظة في جدولي شلالات كوالا بس قولو لي الي احسن لو سمحتو.
جوفو انا محتارة لان عندي الثلاثاء فاضي ف ما اعرف شلون اترس الجدول بشي حلو.
شاكرة لكم تعاونكم.
أنتم عندكم يومين في سلانجور ( الأثنين والثلاثاء ) وأنصحكم بهذا البرنامج :
يوم الأثنين :
التجول بالفندق والراحة قليلآ ثم التوجه لألعاب الصن واي لاقون والجلوس فيها إلى الساعة 6 مساء ...
وفي المساء التجول بمجمع البيراميد الفخم جدآ وتناول العشاء ثم الخلود للنوم ...
يوم الثلاثاء :
الأفطار والراحة قليلآ إلى الساعة ( 10 ص ) وبعده تأخذون جولة لمدة أربع ساعات على منطقة بوتراجيا ...
ومنطقة بوتراجايا تبعد عن سلانجور ( 20 دقيقة فقط ) ...
بعد العودة من بوتراجايا تتجهون للماينز وندر لاند القريبة جدآ من سلانجور ... وتجلسون فيها إلى 6 مساء
وإذا عندكم وقت تزورون ( مدينة الأضواء ) بعد المغرب ... وهي تبعد ( 15 دقيقة عن الصن واي لاقون ) ...
بالنسبة للشلالات ... من الأفضل تزورنها من كوالا ... والمسافة تقريبآ ( ساعة ونصف ) ممتعة جدآ بأذن الله
وافي بزمن جافي