السلام عليكم أنا أقدر أفيدج من ناحية سنغافورة لأني رحتلها وراح أختصرلج إياها بشكل بسيط ..
شوفي سنغافورة جزيرة صغيرة وحلوة ونظيفة وراقية جدا جدا لاكنها غالية بنفس الوقت والأشياء السياحية فيها محدودة ..
المهم الأماكن السياحية :
1- حديقة الطيور .
2- جزيرة سينتوسا .
3 - جزيرة السلاحف .
4- السافري .. وتسمى النايت سفاري ..
وصدقيني بالنسبة للأماكن السياحية تقريبا هذه اهيا .. وبالنسبة شلون تحجزيلهم بكل فندق تقعدين فيه سواء كان نجمتين إلي 5 نجوم راح تلقين مكتب سياحي قاعد يعني ونتي مرتاحة بالفندق تشوفين البروشور وتختارين الي يعجبج ..
وبالنسبة للفنادق :
أنصحج بفندق أورجيد Orchard وهو 4 نجوم لكن خدمة ممتازة وايد وميزته إنه بس تطلعين من باب الفندق راح يكون يمج شاارع طويل ماله آخر كله أسواق وكأنه إكسفورد ستريت في لندن
وأتمنى إني أكون أفدتج

السلام مشكور على الرد بصراحه افاده حلوه لاني اول مره اروح لها

بالنسبة لسنغافورا في فندق في نفس الشارع الي قال عليه الاخ dr_ydentist .. اسمو Marina Mandarin هو لو قسمين اعتقد بس جيد الفندق و 5 نجوم .. وقريب من الاسواق.. وفي فنادق كتير في نفس الشارع..
في محل كبير اسمو takashimaya قريب جدا من الفندق امام الباب الي في الجنب على طول..
وجزيره سنتوسا ما يكفي واحد يوم في فنادق هناك ممكن تاخدو ليلتين في فندق شانقريلا اعتقد هو افضل واحد.. وفي عرض نوافير وليزر مجاني مره حلو لا يفوتك.. وفي زي لعبه تطلعي بالتلفريك وترجعي بزي سياره سباق..
اما عن هونج كونج ما قد رحتها وياريت احد يفيدنا