مساكم الله بالخير
ومابي اطول عليكم .... ندخل في الموضوع
البارح تقريباً الساعه وحده بالليل مريت المؤيد اللي على طريق المطار على اساس ابي اعرف فيه حجوزات على التاريخ اللي ودنا نسافر فيه او لا فلما دخلت لمهم ورزيت خشتي في خشت الهندي قلت له ممكن اعرف اذا فيه مقاعد على بانكوك في تاريخ 5 جولاي 5/7 والعوده 20/7 قلت ابيها على الخطوط القطريه الله يعافيك المهم قام يطقطق على هالكيبورد هو وشنبه اللي كنه مساحات سيارتي وفجئه كشر علي :112: قال مافيه قلت افا ليه قال كولو مليان قلت طيب شف طيران غيره قال مافيه بانكوك كثير نفر يروح قلت له وجع :112: تراني ماقد جيت هالبلد وقفت علي دورلي مقعد لو على الجناح انت وشنبك طبعاً امزح لو يدري اني اعلق على شنبه كان حجزلي للسودان المهم ياجماعه الوضع سيئ وش رايكم انتم ... حنا عددنا خمسه وثلاثه منا عارفين الديره بس انا وخويي زنيد وهي معياره له ( زنيد ) ماقد رحنا لها وبصراحه ماسكه عليها من شيً قريته من تقاريركم
ملاحظه:-
يقول جون وجولاي واللي بعده كلها فل هو صادق او يصرفني / شكله يصرفني هو وشنبه
افزعولي يالربع وينكم عطوني خط السير