وشي الفنادق الزينه في فرانكفورت؟؟ لا عدمنا شورك

فيه الماريوت
و ال Steigenberger Frankfurter
و الانتر
انا طيب وش اسوي؟

أنصحك بأن تحجز قبل لا توصل فرانكفورت لأن هناك معرض من 16- 21 سبتمر والفنادق أغلبها فل أوغالية مرة.....
أنا حجزت برا فرانكفورت تقريبا 33 كليو مع عائلة...

أخي الكريم .. السلام عليكم
فرانكفورت أبشرك شاربينها شرب شارع شارع ..منذ عام 97 ونحن نمترها كل سنة
متى وقت رحلتك وأبشر بالفندق اللي أقرب لك من الماريوت ..
وبعدين انت صاحي تحجز بالماريوت ؟؟؟؟؟؟
الماريوت اذا كتب الله لك زيارة لفرانكفورت بتشوفه ناطحة سحاب بابه مقابل لأرض المعارض (مسي فرانكفورت) لذا أسعاره وقت المعارض والمؤتمرات أغلى من النصابين اللي قدام الحرم ههه
عموما الخيارات كثيرة سافوي وكايسرهوف وتوريست أوتيل وغيره .. عطني التاريخ ونوع الغرفة وهل تقبل 3 نجوم أم لا؟
وأبشر باللي يسرك يالغالي ..
تحياتي

نوبة سياحية
جابك الله يا حبيبي
ما نستغني
قبل سنتين نزلت في الماريوت ب 280 يورو بس كنت حاجز قبل ما اروح ب 4 شهور
السنه هذي ما تفطنت الا في الاخير
هذاك تشوفني توهقت
انا اتمنى احصل فندق جنب ال مسي فرانكفورت
و الله لو نجمة يا شيخ
بس ما قلت لي وشلون تبي تلقى لي حجز
وش رايك بفكرتي اني اروح على عماها
و اذا طلعت من المطار ابروح بالتاكسي و ادور على الفنادق اللي جنب الهوف بانهوف الين احصل واحد
ما ادري ليه مقتنع فيها بشكل غير طبيعي
بس اخاف ما القى و تصير الرحلة نكد
اخيرا
ابجلس هناك من 15 إلى 21 سبتمبر
شكرا لتواصلك

عزيزي kkk100
جرب هذه الصفحة http://www.hrs.de
او
http://www.hotel.de
اذا اردت شقة سياحية ايضا هذا العنوان
http://www.edomizil.de
امنياتي لك بالموفقية

1. Hotel Hessischer Hof

kkk100
أخوي بالنسبة لطريقتك فأكيد بتحصل فندق لكن كم يبعد عن ال(دي بي) اللي هي (بانهوف) الله أعلم ؟؟ ثم ان السعر بيكون غالي اذا أخذته من هناك بنفس اليوم ..
عموما خذ اللي لقيته لك .. طب وتنق وترا الديرة كلها فاتحة ابوابها للطيبين أمثالك .. والله يخلي بوكنق دت كوم .. :
الأسعار لعدد ست ليالي من 15 الى 21 سيبتمبير ..
Maritim Hotel Frankfurt
خمس نجوم وأقرب من الماريوت لأن الفندق بوسط أرض المعارض ..
لدى الفندق أنواع من الغرف أرخص الغرف بسعر 2760 يورو لست ليالي يعني الليلة بسعر 460 يورو ( طبعا غالي ) لكن خذ الخيار الأفضل

Hotel Hessischer Hof

خمس نجوم ومن أفضل الفنادق الملاصقة للمعرض "ميسي فرانكفورت" وعندم ميني بار مجاني 24 ساعة ويتوفر بسعر 1838 يورو ست ليالي لشخصين (لكنها غير مرتجعة يعني تدفعها مقدما ولا تسترجع فلوسك مهما كان) تطلع الليلة 306 يورو (يابلاش مقارنة بموقعه ومستواه المتفوق ) متبقي غرفة واحدة
Hotel Hamburger Hof
ثلاث نجوم ويقع بين محطة القطار DB وبين الميسي (المعرض) والسعر 1390 يورو للسنقل ست ليالي (باقي غرفتين على ذمة بوكنق دت كوم)
هناك عدد كبير من الفنادق بقرب الباهنهوف لكن في الجهة الأخرى المعاكسة للمعرض .. وهناك الفنادق المقابلة للبانهوف أيضا .. 3 أو 4 أو حتى خمس نجوم والمشي 10 دقايق أو 15 دقيقة .. مو شي
حدد وش تختار مما سبق واذا بغيت أكثر مستعدين .. أما سالفة أنك تسافر بزنس على عماها (كما تفضلت) فلا .. وخل العمى لأهله وانا اخوك خصوصا والفنادق متوفرة بالكوم قرب البانهوف بنفس الفترة ..
منتظر اجابتك مع خالص دعائي لك بالتوفيق في رحلاتك
تحيتي

تبيني اخاويك ترى فيزتي جاهزه

مرحبا اخوي انا سبق سكنت قبل رمضان بفندق حليو يمكن 3 نجمات بس مع الافطار ميزته جنب السنتر شارع zeil
و
ساحة romer
شارع goethe
و
نهرالماين
و
اسم الفندق
miramar Berliner StraBe31 وماهنا بعد مره عن المحطه اتمنى اكون قد افدتك ورحله موفقه ان شاء الله