الصراحة مافيها شي ثاني
مطاعم اسواق الثمامة............. انتهى
يعطيك العافية

شكلك منت من الرياض الان سؤالك غريب
الان فيه شي يوسع صدرك وياخذ وقتك كله لم تطلع لمشوار وتمسك طريق خريص او طريق الملك فهد وتأخذ مشوارك في ساعتين او ثلاث

أمونه
ههه
يا حبيلك مرة رهيبة
يا عزيزتي من وجهة نظري
ان طبيعة الحياة وكثرة الارتباطات الاجتماعية في الرياض ما تخلي الواحد يفكر في مكان للتنزه
واغلب الناس هنا تلاقين برنامجهم حافل بجمعات الاهل والاقارب والصديقات خاصة في ايام الويك اند
يعني الناس هنا مشبعة من ناحية سعة الصدر (:
ومن ناحية ثانية اشوف ان ضيق الوقت وكثرة الالتزامات سواء كانت اسرية او اجتماعية
سبب في عزوف الكثير عن اماكن التنزه
والواحد متى ما لقى فرصة وحب يغير جو وجد ان المطاعم انسب مكان
خاصة وان فترة الجلوس في المطعم ما تاخذ لها ساعتين
اتمنى اني قدرت اوضح لك الفكرة
دمتي بخير (:

مافيه الا موالات ومطاعم هاذا الموجود
شايفه عندنا بحر نتكلم عن الشاليهات او د زني لاند او مدينه مائيه
مافيه الا مطاعم وتوه جت المطاعم الي زي الناس من خمس سنوات بس
اول مافيه الا مطاعم مندي ورز بخاري والحق اهلك
والمكدونالز فرع واحد حق التخصصي والسرء الى الاشارة زمان طبعن الحين بكل زاويه فرع

الرياض كبيره بس احنا مانهتم فيه لاننا مكتفين واكثر زياراتنا تكون للاقارب والاصدقاء
اما اذا سافرنا بحثنا عن اماكن حتى اهل البلد مايعرفونهاا ..
بس اكيد لو بحثتي عن الاكاكن بتتسلين فيه لك عدة خيارات ..
في ملاهي ترفيه نسائيه ومانقدر ننزل تقرير عنها لانه ممكنوع دخول الكاميرات والجوال الي بكام
في مراكز تسوق حلوه مع العاب ومطاعم
فيه طلعات بر ومخيمات خاصه وفيه منتزهات بالثمامه عامه ومسابح وبحيرات بدل البحر
وفيها حدايق
وشبعد في كوفيات ووناسه ووفلة حجاج خ
وفيه نوادي نسائيه تقدرين تزوين النوادي بملغ بسيط منها تتفرجين وتسوين جيم
في متاحف على ماعتقد اسمه متحف الملك عبدالعزيز
هذا الي حاضرني
واخر قولي الله لايحرمني من الرياض ولا من بردها

يقولون اجمل مافي الرياض .. المطار الذي يخرجك منها !!

saad@
والله انك صادق

على اني من الرياض ،،
ما قد زرت متاحف وهالخرابيط
حتى الأسواق كثرت بشكل مو طبيعي
وما اعرفه كله ،،
الرياض ما يعشقه الا اهله واللي عايشين به
اما الدخلاء ما يلقون شي يلفت الانتباه وجديد غير مطاعم وكوفيهات و مولات وبس
يمكن الملفت زحمة الرياض ،،

تأبر تسبدي
ههه