جميع ما تريد في هذا الموقع
http://www.gitex.com/arabic/

مشكور اخوي المهاجر ما قصرت عساك على القوة ... بس بغيت اعرف يعني كل شيء هناك بالانجليزي انا اول مرة اروح وما ادري عن اسلوبهم لاكن اللي ابيه اشلون استفيد منهم يعني كل شركة تعلن عن خدماتها ومعاهم برشور ناخذه منهم ولا كيف ياريت احد يخبري كان رايح للمعرض هذا من قبل سواء اللي بدبي ولا بالرياض ولا اللي بالمانيا او اللي بامريكا ... وتشكر يا اخوي نخدمك بافراحك ان شاء الله

قبل تروح تاكد اخوي هل راح تقدر تدخل ولا لأ ؟
لاني خابرهم يسمحون لاهل الاختصاص بس

المعرض مكون من عدة عارضين ينقسمون الى ثلاث أقسام رئيسة الشركات الخاصة ومعظمها شركات اجنبية يعني محتاج تعرف انجليزي علشان تتفاهم وياهم الا اذا كان في معهم شخص عربي والقسم الثاني الاجنحة الوطنية للدول يعني اتحصل دولة مثل مصر مسوية جناح وحاطة فيه الشركات المصرية والقسم الثالث الدوائر الحكومية في الامارات مثل الشرطة ومدينة الانترنت وغيرها وبالمختصر اللغة ماراح تكون مشكلة كبيرة والبرشورات راح تلقاها في كل مكان ومايحتاج تطلبها كل شركة حاطة البرشورات في مكان بارز واللي يبي يمد ايده وياخذ
اما للدخول فتقوم بتعبئة طلب الدخول من عند البوابات ويطلبون منك كارتك الشخصي (visiting card-business card) ضروري جدا يكون معاك واحد واتكون بياناتك اللي على الكرت هي نفس البيانات اللي كتبتها في الطلب وتدفع 20 درهم رسوم الدخول ليوم واحد.

اخوي شنجوب جزاك الله كل خير ما قرت والله فعلا فدتني بالسالفة هذي بس اخوي بغيت اعرف الشركات هذي ممكن يحطون ورش مجانية للتعليم ولا بس نناظر فيهم وخلاص .......... ومشكور على الرد وياريت ترد بسرعة لاني بكرة بروح لهم

في المعرض تقدم بعض الشركات بعض الورش والعروض مثل مايكروسوفت واوراكل واتصالات الامارات وتقدر تروح لجناح الشركة وتسجل في العرض
كما تقام ندوات متخصصة لمناقشة اخر التطورات في عالم الكمبيوتر والانترنت وتنظمها شركة داتاماتكس
http://www.datamatix-dubai.com/index2gitex.asp?page=agenda/agenda_gitex2004.htm
وهذه الندوات في نظري اهم من المعرض نفسه