- westin grande sukhumvit
- sheraton grande sukhumvit
السلام عليكم
اخواني الاعزاء احب اهنيكم على هذا المنتدى الرائع بكل المقاييس والي مانقدر نستغني عنه في سفرنا
انا ابي استفسر عن بعض الاشياء والي ممكن تكون قد سؤل عنها كثيرا لكن والله من كثر ماقرات في هذا المنتدى انقلب راسي وماعاد اجمع المعلومات
ان شاء الله انا مسافر تايلند في تاريخ 772007 ********> تاريخ مميز . وحنا ثلاث اشخاص شباب .. الرحله تقريبا 18 يوم
وبما اننا شباب وماورانا بزران وحريم قررنا انا مانحجز فنادق من هنا لان سعرها بيكون غالي .. وعشان ماقدر احدد كم بجلس في كل مدينه .. فالخطه راح تكون اني اسجل اسماء الفنادق في ورقه وارتبها حسب الافضليه .. يعني اقل شي اكون مسجل ثلاث او اربع فنادق في كل مدينه .. ولما اركب مع التاكسي اقوله اطلع فندق كذا واذا ماعجبني اروح للفندق الثاني وعلى هذه الطريقه
الخطه راح تكون بانكوك يومين او ثلاثه ... بعدين بوكيت اقل شي 7 ايام .. بعدين بتايا
والي ارجوه منكم انكم تساعدوني في اختيار الفنادق حسب خبرتكم
1- بانكوك : سويت بحث على الفنادق وكتبت شارع سوخمفيت لاني ابيها تكون قريبه من منطقة العرب .. وحصلت الفنادق التاليه
jw marriott
davis bangkok
grand sukhumvit by sofitel
westin grande sukhumvit
sheraton grande sukhumvit
ياليت ترتبون لي الفنادق حسب الافضليه .. واذا فيه احسن منها واقرب لمنطقه العرب لامانع من ذكرها .. وبالنسبه للاسواق فهي كثيره جدا في بانكوك لكن انا ماني مطول في بانكوك عشان كذا ابي لي مجمعين او ثلاثه بالكثير تكون من افضل المجمعات في بانكوك يعني ملابس واشياء حلوه
2- بوكيت : وهذي اهم مدينه وانا متحمس لها مره بس المشكله اني ماعرف فيها غير الهوليدي ان .. طبعا هو فندق لايعلى عليه بس المشكله انه فل مليان .. فعشان كذا ابغى فنادق اخرى تكون حلوه .. وانا مستعد ادفع 600 ريال كحد اقصى لليله الوحده بس اهم شي يطلع الفندق حلو .. ويكون على الباتونق بيتش .. ويكون قريب للمطاعم والصجه واللجه والوناسه فياليت تذكرون لي اربع او خمس فنادق .. لاني خايف من الزحمه واخاف تكون مليانه
3- بتايا : رحت لها قبل سنه وسكنت في فندق مخيس اسمه مارين ينسباي والمره هذي ناوي فندق افضل بس ماعرف وش الفنادق الزينه والي تكون قريبه لمنطقة العرب وشارع الولكن ستريت
اخيرا احب اقول يااخواني انا معتمد على الله ثم عليكم ولا تبخلون علي بالاجابه ..
وفقكم الله
ممكن سؤال اخوي؟
حجز الفنادق من مكتب سياحي في بلدك يكون اغلى او ارخص من الحجز من الفندق نفسه؟ او من مكتب سياحي في تايلند؟