أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
السلام عليكم
ياليت احد يساعدني اذا فيه معاهد لغات في الدمام او الخبر تدرس اللغه الاسبانية او الفرنسيه
بحثت كثير بس ما لقيت
اللي عنده خبر ياليت يقولي
و اكون له شاكره
بالنسبة للغة الفرنسية في عندك مركز تعليم اللغة الفرنسية التابع للسفارة الفرنسية .. و موقعهم في مجمع الخبر مول الدور الثاني .. و اعتقد مكان دورات السيدات في مكان ثاني
Toty
نعم أخي ..
أتصلت على نفس الرقم المرفق وموقع المعهد صحيح كما ذكرت وهو للرجال فقط
موقع المكان المخصص للنساء ب ( نسمه فاليج ) .
المعهد يفتح مسائا من 5 إلى 9 فقط .
الدورة مدتها شهرين .
الشهر الأول ثلاث أيام بالأسبوع يكون الحضور .
الشهر الثاني يومان بالأسبوع .
قيمة الدورة 1300 ريال ( لا أتذكر السعر بالضبط ولكنه بهذا القيمه يزيد أو ينقص قليلا )
الدورة هذه تكون للمبتدئين وهنالك دورات متقدمه .
المعهد تابع للقنصلية الفرنسية .
تبدأ الدورة ب 15/07/2007
هذا ما بجعبتي وأحببت أن اشارككم أياه .
السؤال /
هل هنالك من ألتحق مسبقا بدورة لتعلم اللغه الفرنسية وأستفاد منها ؟
تحيتي وتقدير .
موكالاتيه
ام اللغة الفرنسية تاخذينها حلوو راح تستفيدين بس تراه مو زي الانجلش يعني المجهود الكبير عليكي انتي.. لازم تستمرين تقررين تقررين لين تطلع روحك عشان تتقوى اللغة عندك وتستفيدين منها والمركز السعودي الفرنسي هذا حلو بس يعتمد على اللي راح تدرسك الكورس هل هي فرنسية أو عربية ومتجنسة او يعني من هالقبيل.. بس حطي في بالك ان الفرنسي لا كورس ولا اثنين ولا ثلاثة راح يكونون كفاية يعني شدي حيلك استماعاً وقراءة
mzoon
أنا رحت عندهم مرة من زمان قبل لاينقلون مكانهم.. وسجلت بس ماستمريت في الكورس لأن ماكانوا فاتحين غير مستوى واحد وانا مابي مستوى واحد
بس الي تدرس القروب وهي فرنسية كانت تمام (مدام آني).. بالنسبة لي ماينفع لي اسلوبهم في التعليم يعني انا ابي احد اقعد معاه ساعة نسولف وندردش بشكل عام أحس اني استفيد اكثر بهالطريقة فأخذت رقمها وصرت اتفاهم معها بشكل خاص بس من زمان هالكلام وناوية قريبا اشوف لي وحدة تتفرغ لي ساعة اسبوعيا سواء عن طريق المعهد او عن طريق احد ثاني
وبالنسبة للصعوبة امم الفرنسي مش سهل يبيله قراءة واستماع مستمرر
بيني وبينك انا ماحب اسلوب المعاهد عندنا في التدريس خير شر
انا خذيت مستويين معهم .. و بصراحة استفدت كثير .. يمكن معاك حق ان اسلوب التدريس اكاديمي .. و خصوصا ان لغة زي الفرنسية تبي وناسة و سعة صدر .. يعني الواحد جاي بكيفه يبي يتعلم .. بس ما عندنا الا هو.. و اشوفهم جيدين..
على فكرة اهم يرسلون لي بين فترة و الثانية عن الكورسات الجديدة و اتوقع عندهم كورس في اوغست..
بالنسبة للرسوم عندهم تخفيض حليو للطلاب و الطالبات..
