اخوي بومحمد..مصر تصلح للعوائل والشباب...يعني فيها اماكن كثيرة جدا للطلعات..
اذا كان معاك شباب زايرين مصر من قبل فيكون احسن عشان يوفرون عليك المشاوير والاماكن اللي مب لين هناك..بس اذا كنتوا اول مرة..فلازم تاخذ تقرير عن كل الاماكن اللي راح تناسبكم..وانصحك تروح شرم الشيخ على الاقل 3 ايام..اما اسكندرية انا مارحت من قبل لكن وايد يقولون انها ونيسة..مع اني ماعتقد خصوصا في الصيف تكون زحمة من الناس اللي مصيفين فيها وبعد كلها طلاب جامعه بيروت...
يعني اعتقد 10 ايام كفاية اسبوع في القاهرة و3 ايام شرم الشيخ...
بالنسبة لاختيار الشقة او الفندق..ألصراحة احنا عندنا شقة في مصر..فما اعرف اسعار الشقق ولا الفنادق...ومادري اذا في شقق تتاجر اسبوع واحد..الصراحة انا اشوف الشقق احلى ..لان اكلهم في مصر مب لين هناك..على الاقل في الشقة بتشترون حليب الجاموس الطازج والفواكه طازجة واسعارها حلوة..وحتى مطاعمهم رخيصة مب غالية ..وبعدين في الشقة تحس انك فعلا في مصر..تسمع هواش وشتايم...وازعاج السيارات... وتتفرج على الناس وانت قاعد على البلكونة..والله شعور حلو..

حلوحلو حلو .. رد حلو .. وأن شاء الله ألقى ردود حلوه نفس ردج يا أم ياسمينا ..
شكراً لج

بومحمد نسيت اقول لك ان في مكان يحبونه الشباب الخليجين وهو الهرم يروحون الفجر هناك ويركبون خيل..ولاتفوت خان الخليلي والحسين خصوصا من بعد 12 فالليل كله خليجيين..واذا تبي تقرير عن الاسواق فهذا اللي اقدر اكيد اساعدك فيه بامتياز..لاني هناك مارحت الا الاسواق..ومناطق مثل القرية الفرعونية والمتاحف وبرج القاهرة والنيل والاهرامات (( بس مادري اذا الشباب يحبون هالاماكن))

أرجوج لاتحرجيني .. أنا ما أركب خيول .. لأني إذا ركبت الخيل . الخيل بينكسر ظهره هاهاهاهاهاهاها
وياريت توافيني بأهم الأسواق ..

هلا بو محمد...
الاسواق...اركاديا مول...جنينه مول....هذي احسنها فية سوق فندق الفور سيزنز بس صغير وهو افخم شئ.
مدن الالعاب....دريم بارك....ماجك لاند. ولا تروح لغيرها ولو قالو لك.
المطاعم واجد....اسأل اي سواق تاكسي يدلك.
شرم الشيخ لازم تروح لها.
رحلة في القناطر بالقارب....الاهرام...المتحف القومي ....قلعة محمدعلي....الكرداسة اذا بغيت تاخذ معك كم جلابية هدايا عندهم شئ زين ورخيص بس دور زين في المحلات ولا تستعجل.
ان شاء الله افدتك

شكراً لك
والسكن وين تنصح فيه .؟
والسهر وين تنصح فيه ؟؟
احلى المقاهي ؟؟
والمقاهي الشعبية ؟؟
والأحياء الشعبية ؟؟
والسينمات ؟؟ وغيرها

والله مصر حلوة ورائعة وفيها مايسر الناظرين من الاماكن البريئة والبعيدة عن اللهو والمراقص والكباريهات !!
ومصر للعلم تنفع للجميع ، فهى بلد جميل ومفتوح ولا يعنى انك تروح مصر انك تروح اماكن الخرابيط 00 فصدقنى الا يبى هالسوالف يلاقيها بكل مكان ، مو بس فى مصر 00 عموما مصر حلوة بالمدينة الفرعونية او القرية الفرعونية والاهرامات والمراكب النيلية الا تأخذك بليالى القاهرة الى حد ملامسة النجوم فى السماء !!
وكذلك الاسماعيلية المشهورة بالمانجو والفروالة وقناة السويس 000 والاسكندرية والمنتزه ،والقاهرة ولياليها الساهرة الساحرة التى تجعلك تعيش فى عالم اخر من الراحة النفسية ، و متاحفها الراقية المليئة بكنوز الدنيا والحضارات والتاريخ منذ 6 الاف سنة !!
وقناطر محمد على ورحلات النيل وجزر النحل والعسل والموز 000و الى حيث الكثير من المواقع الشيقة اما بالنسبة الى الشحاذين فأنسى امرهم تماما ولا كأنك تشوف لانك مارح تلحقَ !!
ومصر فعلا عاصمة التاريخ ، فهى حلوةةةةةةةة بحق وفيها ايضا خان الخليلى وقهوة الفيشاوى والحسين وشوف الزحمة وخلق الله ورائحة الماضى مازالت تزكم الانوف 00 بحلاوة الامس البعيد 00
وبالنسبة للسكن والله انت تروح وتشوف والناس اذواق يعنى انا واحد من الناس ماارتاح الا بالفنادق النظيفة 00
والله يسهل امرك وتروح مصر وتيجى تكتب عنها وتمتعنا بسوالفك الحلوة هناك 000
ولاتنسى شرم الشيخ والغردقة !! ترى انا تفسحت بالباص على امتداد خط جنوب سيناء من محطة الماظة حتى نويبع مرورا بذهب وراس محمد وسانت كاترين 00امانة رحلة ولا الاحلام وبصراحة شيشتنا عالسفر 00يامعود خذنا معك وانا اشتغل مرشد سياحى ياخوى يابو محمد000!!!!!!!

هاهاهاهاهاها أم ياسمينا واللة ضحكتينى (وبعدين في الشقة تحس انك فعلا في مصر..تسمع هواش وشتايم)
بس باين عليك ماشاء اللة خبيرة فى مصر..........مشكورة على المعلومات اللى اكثر من مفيدة جزاك اللة خير ولبومحمد ان شاء اللة سفرة سعيدة